2012- 5- 22
|
|
أكـاديـمـي فـعّـال
|
|
|
|
|
ترى حامت كبودنا
السلام عليكم ورحمة الله،
ارجو ان ما احد يزعل من الكلام اللي بأقوله،
لاحظت كثير بالمنتدى يتحلطمون ويسبون الدكاتره على الأسئلة واللي يقول فها لخبطه واللي يتحسبن ( مأخوذه من وجدي غزاوي "مجرد فضفضه " )  عندك المحاسبة مثلاً والله اسئلة المحاسبة ما فيها اي لخبطه بالعكس الأسئلة هي نفس الأسئلة اللي في اختبر نفسك بس حطها بجداول مع تغيير الأرقام طبعاً والمفروض اننا نشكر الدكتور لأن بصراحة شرحه جداً ممتاز واحسن من اللي قبله مع العلم ان الي قبله برضه ممتاز ،أما الرياضيات انا حقيقة ما درست الرياضيات بالثانوي لأني قسم تجاري بس حنفي بصراحة كان تأسيسه ممتاز واسلوبه ممتع بس احتقر نفسي وانا اتابعه احس اني بزر حتى بنتي تنبسط عليه تتابع المحاضرة معي  أما الدكتور الحالي للرياضيات 2 فأحس ان مستواه اعلى من مستوانا بس انا تابعت شرحه في اول خمس محاضرات ولقيته نوعاً ما مفهوم بصراحة ما اسعفني الوقت اني اكمل وانا شفت الأسئلة وكانت بالنسبة لي صعبه بس قدرت احل جزء كبير ولو اجيب درجه تعديني اكيد بانبسط ولو ما عديت فأنا السبب مش الدكتور اللي ما جاب لنا مثل أسئلة الاختبار السابق، كان المفروض اني اكمل المحاضرات كلها وانتبه للشرح زين، المشكله ان اكثر اللي بالمنتدى يقولون ليش مصعبين الأسئلة ومالهم حق وغير كذا ، يا جماعه لازم الواحد يشغل مخه ترى كلنا منقطعين عن الدراسه من سنين ومحاكيكم منقطع عن الدراسه من اكثر من 14 سنه غير مسئولية الأولاد والعمل، يعني يا يعطونا نفس اسئلة العام ولا انهم ما يراعون ضروفنا ، بعد ترى فيه ناس عاطلة وما حصل لهم يقبلون انتظام وسجلو عن طريق التعلم عن بعد ، ترى درسنا في الجامعة عشان يكون عندنا شهاده معترف فيها ولا ما فيه اسهل من انك تجيب لك شهاده من مصر ما تكلفك 5000 ريال
انا عن نفسى مبسوط انهم صعبو الأسئلة حتى لو ما عديت بس اهم شي إذا تخرجت تصير شهادتي لها قيمه مش خسارة مجهود ووقت 4 سنوات وبالاخير زيها زي اللي تباع.
تكفون يا شباب ما نبي تحلطم وخلونا شوي نركز عشان نعدي واسمحو لي على هالاسلوب اللي ماله داعي.
مع تمنياتي للجميع بالتوفيق
|