ملتقى طلاب وطالبات جامعة الملك فيصل,جامعة الدمام - عرض مشاركة واحدة

Abu Jood · 2012- 5- 22

اقتباس:

المشاركة الأصلية كتبت بواسطة waham

اسمح لي برد على موضوعك بشكل خاص .. والمواضيع والردود اللي على شاكلته :$

بالنسبه لي انا .. انسانه متفرغه تفرغ تام وماعندي الا دراستي .. مالي اي حق انو اتحلطم .. وبعد مالي حق اكتب وامنع الناس انها تفضفض..
القدرات الذهنيه تختلف من شخص لأخر .. ممكن يكون شخص يميل لمواد علميه بس شخص ثاني لا ..
الوقت والظروف ماتسمح للكل .. اللي موظفين واللي عندهم عيال .. ولاعندهم القدره انهم ينضمون وقتهم ..

يعني نكون حنا والزمن عليهم ؟؟ خلاص الواحد سمحت له ظروفه وسمح له وقته وقدر يعطي بالاختبار .. لايجي يمنع الناس انهم يكتبون او يقولون رايهم , حتى بالفضفضه بتوقفون لهم :)

الله يوفق الجميع .. والله يخلي لك البنوته

أولاً شكراً على ردك الجميل ، وان كنت قصدت شي في موضوعي هذا فهو الدفاع عن الدكاتره اللي ما لهم ذنب بل بالعكس ان بعضهم كان شرحه مميز وخصوصاً المحاسبه 2 اعذروني ما يحضرني اسم اي دكتور او استاذ ما عدى القطاونه ، للأسف اشوف بالمنتدى ناس متأكد انها ما فتحت ولا محاضرة وتلقاه يسمع ان الجامعه تجيب اسئلة الاختبارات السابقة ويذاكرها يبي النجاح واذا تغير شي في الأسئلة قامو يسبون ويتحسبون على الجامعة واعضاء هيئة التدريس اللي مالهم ذنب، انا ما عندي قدرات ذهنية افضل من غيري ولاكن انا ضحيت بإجازتي اللي المفروض اني ارتاح فيها من العمل ، تابعت المحاضرات وكانت جداً مفيده للي يبي الفائده على سبيل المثال فيه امور كثيره بالعقيده الواحد كان يجهلها ، القطاونه الله يعطيه العافيه كان يشرح وبشكل دقيق لدرجه تولصلك للملل احياناً خصوصاً اول 7 محاضرات والسبع الثانية كانت ممتعه.

في الأخير احب اقول انا مش ضد التحلطم قد ما انا ضد ان الواحد يبخس حق الناس " الجامعة واعضاء هيئة التدريس" بالعكس الجامعة مشكورة وفرت لنا فرصه لإكمال الدراسة ما قدرنا نحصل عليها من زمان انا شخصياً من اكثر من 13 سنه رحت لجامعة الملك عبدالعزيز بجده اكثر من 5 مرات وما انقبلت، الواحد يحمد ربه على النعمه اللي هو فيها ويشد حيله شوي ويضحي وانشاء الله يوفقه الله.