المشاركة الأصلية كتبت بواسطة آي فون

أنا أرى أنه يجب أن يعطى لكل طالب جهاز آي فون جديد .. ويستحسن أنه يكون آي فون فايف القادم .. كتحفيز للطلبة ..

وأرى أنه من الأفضل أن يعطونا بدل الشاي يعطونا كابتشينو .. او موكاتشينو ..

وأشوف من وجهة نظري أنهم يراعون أوقات المباريات بأن تؤجل الاختبارات إلى يوم آخر ..

ومفروض بعد يخلون البكالورويوس سنة وحدة بس .. مالها داعي اربع سنوات ..

وأرى بعد أن الاساتذة والدكاترة يسوون لهم جدول بأن يمرون على كل طالب في بيته يشرحون له المادة علشان يفهمها ...

وش هالكلام يا ناس .؟؟؟!!!!!!!

يا جماعة الخير احنا دخلنا نتعلم .. ودفعنا فلوس علشان نتعلم .. ونحصل على درجة علمية تفيدنا في حياتنا العلمية والعملية ..

بعضنا يعاني علشان يدور قيمة الساعات .. وبعضنا يستلفها ويجلس مذلول علشان يرجع الفلوس لاصحابها .. وما يمديه يرجعها الا بدا ترم جديد وتبدا المعاناة من جديد والسلف من جديد ..

الناس برا تتنافس على العلم .. واحنا نطلب شاي وبسكوت وموية ..؟!!!!!!!

يا اخواني في الهند .. عندهم درجة علمية بعد الثانوي .. في القاعة الآف كلهم يسعون على الحصول على الدرجة هذي لكي تؤهلهم لاكمال العلم .. ما طلبوا موية وشاي وبسكوت ديمة ..

يا جماعة الخير .. تذكروا دائما احنا دخلنا هالجامعة علشان نتعلم ونحصل على الشهادة باللي هي به .. ما جينا نطلب هالسوالف ونشتكي من لا شي ..

احنا الحين في هالترم نختبر في مركز وهو عبارة عن مدرسة متوسطة .. اقسم بالله احيانا نحتاج اننا نرفع الطاولة على ركبنا علشان نعرف نكتب على الورقة .. ولا فيها تكييف ولا فيها موية .. والفصول مشووهة .. محد من الموجودين قال ليش والا عطونا ... لاننا ندري ان كل هذا في سبيل العلم .. وباختيارنا ..

لا تزعلون علي .. بس لاحظت انا في الايام الاخيرة انكم بديتوا تطلبون المستحيل وتتذمرون من كل شي .. وكنكم مغصوبين على الدراسة ..

آسف واكرر أسفي

أخوكم آي فون