طريقة الرصيد المتناقص ( مضاعف القسط الثابت ) لا يصير عندكم لبس في السؤال
أحياناً يطلب إيجاد معدل الاستهلاك السنوي للأصل بطريقة الرصيد المتناقص و أحياناً يطلبها بطريقة مضاعف القسط الثابت لأن الطريقه وحده بس الفرق في صيغة السؤال
انتبهووو و احفظو الطريقه لأنها تقريباً هي اللي فيها صعوبه بسيطه
قسط الاستهلاك السنوي = القيمه الدفتريه للأصل ضرب مضاعف معدل القسط الثابت
القيمه الدفتريه = ( تكلفة الأصل - مجمّع استهلاك الأصل )
طبعاً عشان نجيب مضاعف معدل القسط الثابت لازم اول شي نجيب معدل القسط الثابت
اعطيكم مثال
مثلا العمر الافتراضي للسياره اربع سنوات نروح نقسم 1 / 4 ونضرب في 100 يطلع لنا الناتج 25 %
عشان نجيب مضاعف القسط الثابت نضرب الـ 25 % في 2 ويطلع لنا 50 %
بعدها نحسب و نطلع السنه اللي هو طالبها بالطريقه التاليه
السنه الاولى : ( القيمه الدفتريه للأصل ضرب مضاعف القسط الثابت اللي هو 50 % ويطلع لنا الناتج
السنه الثانيه : ( القيمه الدفتريه ناقص قسط الاستهلاك حق السنه الأولى ) ضرب 50 % ويطلع لنا الناتج
السنه الثالثه : ( القيمه الدفتريه ناقص قسط استهلاك السنه الاولى ناقص قسط استهلاك السنه الثانيه ) ضرب 50 % ويطلع لنا الناتج
السنه الرابعه : ( القيمه الدفتريه ناقص قسط استهلاك السنه الاولى ناقص قسط استهلاك السنه الثانيه ناقص قسط استهلاك السنه الثالثه ) ضرب 50 % ويطلع لنا الناتج
اللهم لا سهل إلا ما جعلته سهلاً و انت تجعل الحزن إذا شئت سهلاً
والله اني اذاكر واكتب في ورقه خارجيه عشان احلل المعلومه و افهمها ولكن اتذكر انكم احبتي و اقول يمكن هالنقطه صعبه على احد و اقوم انزلها هنا
الله يوفق الجميع .