|
وصلى اللهم وسلم على نبينا محمد
 السلام عليكم يا حبايبي الحمدلله انتهينا من عذاب الامتحانات وخربطتها 14 يوم بالنسبه لطلاب انتساب واول مستوى لهم واول مره يواجهون هالنوعيه من الدراسه لكن الحمدلله عدت وانشاء الله تعدي على خير ومسره للجميع .. لحد يتشائم ويقول جايب العيد جايبه في الماده الفلانيه او المواد الفلانيه  .. انسوووأ هالفتره وتذكروا ربكم ادعو وارفعو يديكم تفائلو بالنجاح وحتى لاقدر الله لو صار حمل مواد لاحد عادي مهي نهايه المطاف .. يمكن اللي يحملون مواد تكون عزيمتهم على المستوى الثاني اعلى من الناجحين ويبدعون مستقبلاً افضل من الكل.. صح اول مستوى والكل يبي خطوه حلوه من البدايه بس الخيل الاصيله تلحق تالي انا واحدن من اللي في دائره الخطر في ماده لكن عزمت من اول يوم اختبار اني ما اشيك على الحل بعد اختبار الماده.. انسسسسى وافكر باللي بعده واي موضوع في تجمع بعد الاختبار انحاش عنه  .
مالكم بالطويله بس بخصوص الجدول في المستوى الجاي نبي نتأكد اذا لنا حق في التعديل اذا لنا كان بها واذا ملناش في الطيب نصيب نكون صوت واحد من البدايه ونقترح جدول نرسله لهم باسم الطلاب واللي يناسب الجميع أو يشوفون لهم حل وبدون ظغوط مواد زي هالمستوى.
الله يوفقكم نفر نفر وشكر خاااااص لكل من ساعد وفاد وأفاد حتى بدعوه عن ظهر قلب . ودي وتحياتي للجميع ( ناوي احط ورده بس مالقيتها ) 
|