|
رد: وظيفة الاعادة وحيرتي فيها
السلام عليكم
بالنسبه لراتب المعلمه حول 7000 أو 8000 حسب المستوى اللي تتعينين فيه
أما راتب المعيده 6000 أو 7000 حسب الدرجه اللي توظفت عليها طبعا البدلات وغيرها يعني يمكن يزيد راتبك 2000 ريال بس ( قريبتي تشتغل في كلية التربية و قالت لي بالحرف الواحد الوحده اللي تبي راتبها يزيد لازم تكمل ماستر ودكتوراه ) طبعا بدل السكن هذا ما حسبته لأني ما أعرف كم يعطون عليه المهم نجي للأفضل أنتي شوفي و ين مصلحتك يعني إذا أنتي ضامنه الوظيفه كمدرسه و تحسين أنك بترتاحين فيها خلاص خذيها وتوكلي على الله أما إذا أنت نفسك بالإعاده وضامنه إن في أحد بيطلع معك بعثه فهي أفضل من المدرسه
أنا بقولك الحين سالفت وحده قالت لي عنها قريبتي هي انقبلت إعاده في كلية التربية بالجبيل و زوجها عسكري و حسب قولها زوجها مايقدر يطلع معاها قامت أختنا بالله و كلمت خالتها بقطر لأنها مسويه فيها ذكيه و يعني بتدرس عند خالتها بقطر  مادرت أن وزارة التعليم العالي لها بالمرصاد  الكليه طبعا قالوا لها مافيه ماستر بالدول العربيه قالت ما أقدر أطلع برى قالوا لها أنت موقعه على أنك تكملين أنا اللي قاهرني بالموضوع أنهم كانوا كاتبين أن اللي ترفض البعثه تحول لعمل إدراي أو طبي ( ما أعرف و ش قصدهم بطبي هنا ) بس الواقع اللي سمعت عنه و اللي شفته شي ثاني عندهم على طول تقدم البنت استقالتها و خلاص (للمعلوميه البنت كانت بحاجه للوظيفة و عندها عيال و الله حرام ) فيا أخوات نصيحه لوجه الله اللي تجيها وظيفه رسميه وين ما كانت تاخذها وهي مغمضه  ترى الحين الوظايف صعب الواحد يلاقيها
|