ملتقى طلاب وطالبات جامعة الملك فيصل,جامعة الدمام - عرض مشاركة واحدة - طالبات كلية الآداب ... وش ينقصكم بالضببببط ..

ناريمان · 2009- 12- 10

اولا

في شي قاهرني..

انا اتذكر كنت اسمع بجامعة فيصل.. <<< مو اكيد

عندها نظام في التاخير..

يقولون لك..

اذا تاخر الدكتور نصف ساعة وما جا..

عادي الطالب او الطالبة تطلع.. ومحد يحطها غياب..

لان التاخير جا من الدكتور وفوق كذا مابلغ اذا كان بيغيب او بيتاخر..

اما عندنا بالكلية..

مهما صار موووستحيل يخلونك تطلع من المحاضرة ان شاء الله لو تنطق من 8 لين 10

وفوق كذا القسم مايبلغ احيانا

واحيانا اذا رحنا نسال مايكون عندهم خبر !!!!

واللي يقهر..

ان الدكتور او الدكتورة تغيب وماتعطي خبر اببدددد..

يعني تخيل

بنات يجون من مسافة بعيده .. من برا الدمام.. عشان محاضرة وحدة

وتكتشف ان الدكتور او الدكتورة غايبة..!!!!

شوي بتصيح البنت

خصوصا في عندنا متزوجات وعندهم عيال ماشاء الله عليهم..

اتمنى يحطون لهم قرار وقانون..

مو شاطرين علينا يالبنات..

يااااااااااكثر الاشياء والقوانين اللي علينا

لكن ماعندنا حقوق....

الشي الثاني..

سالفة كل وحدة تقطنا على الثانية

لاشي يذكر

اقتباس:

واذا رحنا نسال كل وحده تقطنا على الثانية والمشكله الاكبر اذا الغرفه الاولى طرشتك للغرفه الثانية والثانية تطرشك للاولى واجلس احتار بين الثنتين لانه محد منهم بيستقبلك

والله انك صادقه ياختي بكل كلمة قلتيها...

وهالشي كااااثر عندنا بالكلية وبقوة..

واللي يقهر لما تطالعك اللي على المكتب بنص عين.. ومن فوق لتحت .. وكاني مو عاجبتها.. حتى السلام ماترد.. ويكشرون بوجيهنا..

كاننا سارقين حلال ابوهم

والدكاترة مايساعدونا باي شي... :(

لا بتلخيص ولا بحذف ولاااااااااا شي.. (( حتى لو كانو 2 لنفس المادة تلقى واحد يساعد والثاني لا ))

واذا قلنا لهم ساعدونا .. يقولون رئيسة القسم مانعتنا..

واذا رحنا لرئيسة القسم.. قالت لنا.. كل دكتور وطريقته وما اقدر اتدخل..!!!!!!!!!

شلون كذا... نصدق مين ولا مين..

يعني معقولة الدكاترة يصرفونا وحاطين رئيسة القسم حجة لهم..!!؟؟؟؟

الشي الثالث

المفروض يوفرون لنا ظروف لجمع الابحاث..

اكثر شي يقهر..

حى لو بفلوس..

يشترطون علينا ابحاث ويبون حنا اللي نجيب..!!

احيانا الظرف ينشق او مايكفي.. يعني غصب عليك تحتاج لظرف ثاني..

يعني تخيل رحت لسكرتيرة القسم اقولها ابغى ظرف..

تقول ممنوع نعطي اي طالبة..!!!!!!!

اتذكر العام في المناولة بكلية العلوم كانو يبيعون ظروف بكل الاحجام ... ومره مرتاحين من هالشي..

رغم انه بفلوس بس عادي..

وعلى فكرة... حتى المراقبات عندهم مشاااااااااكل تشيب الراس...

وامور.. المفروض مايسوونها لكن يلزمونهم فيها...

الشي الرابع..

والكل اشتكى منه..

مدخل الباصات.. من ورا.. متعب بشكل مو طبيعي..

المفروض يفتحون لنا بوابة ثانية..

وياحرام يالحوامل واللي توها طالعة من النفاس..

يكسرون الخاطر..

خصوصا ان القسم رافض يعطي ورقة سماح دخول للطالبة اللي حامل واللي عندها حالة خاصة زي كذا..

انا اذكر العام وقبله كانو يسمحون بهالشي..

يعني البنت تروح لرئيسة القسم وتشكي لها وضعها الخاص وتعطيها ورقة تسمح لها الدخول من قدام او من اقرب بوابة..

الحين لااا... وهالشي صار ممنوع..

الشي الخامس

اماكن اللواكر غلط .. في غلط ..

حاطينا عند المدخل.. ومحنا قادرين ندخل من كثر ماهي مضيقة علينا

ومكومينهم جنب بعض ومرصوصين.. الا بالغصب يكفون بهالمكان..!!!!!

والله ان عندي لوكر.. بس مو متهنية فيه.. بسبة الزحمة مو قادرة اوصله..

واللي يقهر..

جنب مكان اللواكر في ساحة فاااااااااااااااااااااااضية

ليه ماينقلون بعضها هناك..!!!؟!؟!؟؟!

قالوا روحو لمسؤلة اللواكر

سبق وصار نفس المشكلة قبل سنة ورحت اشتكيت لها.. وتقول للاسف مو عندي حل مشكلتكم..!!

ما اقول الا الشكوى لله

ويعطيك العوافي اخوي سوبر