للتوضيــح ..


مدري ليش البعض " مستهين " في مسألة الأسئلة اللي من خارج المحتوى ؟!!

المسألة ما هي بسيطه لأن هــ الشيء فيه " تقليل إحترام " من الدكتور لكل اللي إختبر الإختبـار ,

بـ النسبة لي الحمدلله جاوبت ع الأسئلة صح و لا عندي أي مشكله ,

و لكن المبدأ مبدأ إحتـرام و حسن تعامل ,

دامنا إحترمنا الدكتور و وثقنا في كلامه لمّـا كان يقول ( الإختبار مش هيخرج من المحتوى ) ..!!

فــ يجب عليه إحترامنـا و الإلتزام بما هو في المحتوى ,

مو يجيب لنا 10 أسئله لا هي في المحتوى و لا لها أي علاقه فيه !!!!!


و بعدين اللي يقول : ذاكرنا الأسئلة في موضوع المراجعه !!

طيـّب و اللي ما قدر يدخل و يشوف و يتابع موضوع المراجعه شنو ذنبه ؟!!


و اللي درس و حفظ المقـرّر و إنصدم في الإختبار النهائي في سؤال " القوقعه " اللي ما له وجود في المحتوى !!!



و الأخت اللي تقول كلـّها 8 أسئله !!

أولا .. هي 10 أسئلة ,

و ثانيا .. مستهينه أنتي بــ الــ 8 أسئلة على قولتج ,

أعرف ناس رسبوا في مقرّرات و كان درجاتهم 58 و 59 , و الجامعه رفضت ترفع درجاتهم للنجاح ,


يا جماعة الخير لا نصير " أنانيـّين " و كل واحد فينا يفكـّر في نفسه و ينسى اللي معاه ,

الدكتور أخطـأ خطـأ فادح و كبير , و لازم ما نسكت على هــ الخطأ ,

لأن التعبير و التوضيح ع الأخطاء الموجوده ساهمت في إصلاح " إعوجاج " دكاتره كثيرين ,

الدكتور صابر نفسه " بطش " في الطلبة في الكورس اللي فات ,

و لما إنتقدوه العالم إنتبه و عرف إنه مخطـأ و صلّح من أخطاءه ..



و اللي خايف على شعور الدكتور ,

لازم يخاف على شعور و مصلحة زملائه و زميلاته و يفكـّر في المصلحة العامّه ..