بيني وبينك ياخوي مستوانا هذا ملخبط من البدايه
اذكر قلت الترم الماضي الترم الجاي راح اشد حيلي واتابع واحمل واحل واجبات اول بأول
ومن بعد هالكلام مادريت الا صديقي العزيز ابو تركي يقول هاه جاهز للاختبارات الاسبوع الجاي ؟!!
وش اختباراته يابو تركي قال صباح الخير لايكون ماسويت شي ..
ويالله هاتك ياركض للبلاك بور والافتراضي واجي والقاه مقفل وهاتك ياتقفيلة مخ مع الافتراضي
بالاخير رحمنا رب العالمين وفتحوا المجال للاربعاء والله وكيلك سهر في الليل وصحيان الساعه 9
لين خلصت كل اعمال الاماكن المرعبه اللي هناك من بلاك الى افتراضي
جينا في الاختبارات ووش تشوف قدامك يابو خالد طلااااااسم رياضيات ومحاسبه واقتصاد
وربك كريم ياخوي الله يعدي هالترم على خير بس