ذكريات (3)

في يوم الأربعاء يوم إختبار الإنجليزي كتابة والتذوق الأدبي ,,

تعرفون طبعا مدى حبي الشديد للإنجليزي ,,

المهم إني كنت شايلة هم المادتين هذول لأنهم بيوم واحد ,,

كنت أقول قبل ::الإختبار توبة أنزل مادتين بيوم واحد أنا وش حادني على هالشي ,,
المهم رحت الإختبار كالعادة قبل الإختبار بساعة ,, بمجرد وصولي في الساعة الرابعة تم تسليم ورقة الأسئلة ,,

أقول في نفسي شكلهم رحمونا وأعطونا نص ساعة زيادة ,, عبيت ورقة البيانات سريع سريع ,,
وبعدين ,, وبعدين ,, فتحت ورقة الأسئلة ,,>>إثارة

وإلا اللهم لك الحمد أحل زين ,,وأقول اللهم لك الحمد الأسئلة سهلة ,, >>وجهي وأنا أحل

المهم طلعت من القاعة منشرحة الصدر اللهم لك الحمد ,,

رحت راجعت شوي تذوق ,,بعدين رحت أدور على القاعة ,,

في خلال البحث ,, إستوقفتني أخت كريمة ,,

قالت لي إنتي فلانة ,,قلت إي

قالت وأمك فلانة وصديقتها فلانة ,,قلت إي >>زادت حيرتي

البنت شايفتها من قبل لكن ما أعرفها >>ذاكرة فولاذية ,,قولوا ما شاء الله ,,

قالت لي أنا فلانة معك بمركز التحفيظ ,,قلت إي حياك الله ,, وهاتك سلام على بعض ,,

قالت لي أنا اعرف أمك زين كانت تدخل مسابقات ,, قلت لها إي ودايم تغلبكم ,,

قالت إي صادقة ,,>>وهاتك يا ضحك قدام القاعة ,,

دخلت القاعة وما زال فيني الضحك ,,

حسيت إن البنات انتبهوا لي وأنا أضحك وأنا أحل ,,

المهم هذي الأخت أحسبها صالحة والله حسيبها أصبحت رفيقتي أيام الإختبارات ,,

نقابل بعض ونسأل على بعض ,,

الله يديم هذي الصحبة اللهم آآميين ,,