|
رد: { بـووـووح ـآلخ ـوآطر .~
تقول :
تذكر يوم أقولك جسد يحتوي روحين
وأوعدك ما أخليك وتوعد ما تخليني ؟
أذكر يومها أشوف بالدنيا بس أثنـين
قلبي اللي يحبك وقلبك اللي يحويني
بعدها بأيام شفت أيدك تحتضن أيدين
وأنصدمت يوم شفت أنها غير أيديني
سكت لجل خاطرك وقلت مرحبا بالزين
مرحبا باللي القلب لجلـه حيل كاويني
مر يوم وأسبوع وشهر وبعدها شهرين
وهو لازال مايدري بأني شفته بعيني
وأخاف أني أقوله له خاين وينجرح بعدين
واخاف أسكت وبسكوتي صمتي حيل يشقيني
واجهته وأنا أبكي والعين تحتضن العين
سألته : ليه تنسـاني ؟ ولا ماكنت تغليني ؟؟
سكت ولفّ عني وخبى وجهه بالإيدين
اللي كانت تحضني وغيرها ما تدفيني
سحبت وجهه ومسحت الدمع على الخدين
وقلت له والله أحبك ولو أنك تخليني ..!
سكت فتره وقال لي : لازلتي تحبين ؟؟
بعد اللي تشوفينه لا زلتي تحبيني ؟؟
أبتسمت وقلت أجلك ماعرفت للحين
اني أحبك حيل واللي يرضيك يرضيني
سكت فتره وأنا أعاود فرحة بقت لسنين
وتركته وتركت حبه اللي بقى فيني
وصارت الدمعـة أذا هلّت أقول أهلين
والبسمة هجرتني ونست دربها فيني
بعدها بأيام سمعت خبر والله شين
سمعت أنه مات وهو يطلب يلاقيني
ويوم أني رحت.. وصيته لي بورقتين
الأولى بها أسمي كتب بدمه يغليني
والثانيه يقول فيها : أبي أوضحلك شيين
الأول أحبك حيل وماسكن غيرك شراييني
والثاني أمانه لا جيتي لأهلي تعزيّن
لا تنزل دموعك لي طلبتك لاتَبْكِينِي
كل اللي أبيه أنك بالخير لي تدعين
وأنك بالشهر مره بقبري تزوريني
واللي أبيك تعرفيه ومهم أنك تعرفين
اللي شفتيها معي كانت بموتي تبشّرني
أنا اللي خليتك من كيفي عني تبعدين
لجل ما ينجرح قلبك بلحظة موت تحويني
تكفين لا تظنين أني خنتك يا الغلا تكفين
وأذا لازلتي تحبيني دايم بالخير أذكريني
سكت وقلت : ياليتني ظليت معك يازين
وشفت الموت ياخذك مني ولاكذا تخليني
تظنون أني نسيت أو الدمع جف بالعين ؟
لا والله الين اليوم وهو معي يخاويني
لو تدور الدنيـا ولو تمر بعدها سنين
ما نسيته لو أشوف أحفادي حواليني
|