دبل ميجور يعني إنك تدرس تخصصين يُستحسن إنها تكون قريبة من بعض
يعني لما تتخرج يكون معك شهادتين بكالريوس
النظام هذا مطبق في الجامعات الغربية وبرضو موجود في جامعة الملك فهد للبترول والمعادن
لكن في جامعتنا ماظنتي موجود هالنظام
كلام أحد طلاب البترول بتعديل بسيط
أما بالنسبه لموضوع الدبل ميجر... فاسمحو لي اعطيكم الخلاصة فيه... لأني أنا متخرج بدبل ميجر قبل سنه ونص...
أولا: زي ما قالو الشباب... الدبل ميجر يحتاج GPA عالي شوي... 3 أو أعلى ( من 4 طبعاً ) ... ولا يفكرون الأقسام في قبول طالب ما خلص السنة الاولى....
ثانيا: الطالب اللي ناوي يسوي دبل ميجر... لازم يحضر خطه دراسيه تشمل مواد التخصصين.... بحيث الشروط الجايه تنطبق عليها... ولازم ياخذ موافقة القسمين على هالخطه.... طبعا ما يسويها لحاله.... يعني يشوف له دكتور أو دكتورين يشاورهم ويعاونونه
ملحوظه: بالنسبه لعلوم الحاسب وهندسة الحاسب... الخطه موجوده وجاهزه والكليه موافقه عليها... واللي يبغاها يسأل السكرتاريه حقين الأقسام
ثالثا: عشان الدبل ميجر يصير مقبول... لازم الطالب ياخذ 28 ساعه على الأقل أكثر من التخصص اللي ساعاته أكثر بين الاثنين....
يعني... لو التخصص الأول ساعاته 129... والثاني 132... لازم الطالب يا خذ على الأقل 132+28=160 ساعه
رابعا: عشان الخطه تصير مقبوله.... لازم تشمل كل المواد المشتركه بين التخصصين... والمواد الخاصه بكل تخصص... والمواد الاختيارية لكل تخصص...
ولو المواد هذي ما تكفي تكمل عدد الساعات المطلوب... لازم يصير فيه مواد اختيارية زياده
خامسا: عند التخرج.... الطالب بياخذ شهادتين بكالريوس... في كل تخصص شهادة... وكأنه أخذ كل واحد لحاله... يعني ما فيه major و minor.
سابعا: في أغلب الحالات.... يصير أحسن للطالب إنه ياخذ تخصص واحد... ويخلي السنه أو السنتين الزياده تصير في الماجستير.... بس هذا يعتمد على عوامل كثيره ثانيه... من أهمها هدف الطالب من الدبل ميجر (طبعا... الدبل ميجر لازم يصير له هدف.... مهوب بس تضييع وقت وزيادة مواد)
أتمنى للجميع التوفيق والنجاح