|
رد: سَجِل حضورِك بِ بيت شعر [ بدون تَواقيع ]
آسف أنا في جيتي لك تسرعت
ظنيت الاقي فيك شيٍ فقدتـــــه
كنت أحسبك مجروح مثلي تولعت
جربت فرقى شخص قلبك وهبتـــه
كنت أحسبك من مر جرحك تجرعت
حبيت فيك أحساس طفلٍ لمحتــــه
لو...قلت...آه بوسط روحي توجعت
ولو شفت دمعاتك شعوري سكبتـــه
ولو تطلب أعيوني أبد ما تمنعت
وأعطيك قلبي لو بعد ما طلبتــــه
وصلت بك..... أعلا مكان وتربعت
وفي قلب غيري ياالغضي ما وصلتـه
وأصبر على صدك وأشوفك تدلعت
وأعطيك ود وما أظنك حسبتــــه
أذهلتني بطباعك اللي ...تطبعت
حتى قصيدي فيك أبد ما فهمتـــه
لو كان غاياتك حروفي فأنا بعت
منك الشعور اللي بنفسي كتبتــــه
خل القصايد تنفعك يوم ودعت
وأفرح بجرح الشاعر الي جرحته
وأرجوك من صدك تراني تشبعت
خلك مع اللي عاجبك أو عجبتــه
يكفي قهر في جيتي لك تواضعت
تركت غيرك لجل عينك وبعتــه
ياليتني عن حب مثلك... ترفعت
ياليت قلبي قبل أعرفك دفنتـــه
لكن أببعد دامني ماتولعت
الله يرحم حبنا اللي ذبحتـــــه
أنا شريت الود والحين أنا بعت
وأنا عطيتك قلبي اللي قهرتـــه
في يوم جيتك أطلبك ود وأقنعت
نفسي بأنك شخص عادي عرفتـه
كمل حياتك مثل ما أنا توقعت
تبقى أسير الماضي الي فرضتـه
ولا يحزنك أني جبان وتراجعت
حولك بدالي آلف شخصٍ عجبتـه
أما أنا لا يمكن أخضع ولا طعت
يحرم على أعطيك قلبٍ خذلتــه
بأريّحك من شوفتي يوم قاطعت
أسلوبك اللي به تجامل كرهتـــه
غلطان يا المقفي أنا ماتتبعت
غيري يتابع خطوتي ما تبعتــه
ما ينحني راسي لو أني تقطعت
وما هوب أنا من لا رميتة لقطتـه
وأن كان غرك حكي عذالي وطعت
الله يعلم كيف قلبي سكنتــــه
اللي ملا قلبك علي وتسمعت
خله يعوض شخص مثلي خسرته
أنا بما فية الكفاية تولعـت
واللي بقى من قلب فيني حرقتـه
وأن شفتني صدفة بعينك تطلعت
ذكرتني بأنسان غالي فقدتـــه
بأول لقا سلمتة آحساسي وضعت
غلطت حياتي يوم قلبي سلبتـــه
وأستسمحك في البعد كاني تراجعت
ما عاد أبلقى فيك شي نزفتــه
|