|
رد: ماهي الايجابيات و السلبيات التي واجهتها من قبل الجامعة
والله مدري وش أقول أمدح والا أذم
الايجابيات بالنسبة للسلبيات تكاد تنعدم رغم ان الإيجابيات بحال عدم وجود سلبيات بتكون محسوسه أكثر
يعني مثلا لو بسردهم لك على شكل نقاط :
- سيرفر الجامعة ليه مايغيرونه ويصير يستوعب كم الطلاب اللي فيه ؟
- ليه مايصير فريق عمل خاص بمشاكل النظام يجيب على تساؤلات الطلاب بدل كل شوي نتصل على دكتور ونقول له النظام عطلان ويقول والله انا مالي دخل هذي مسؤولية الدعم الفني ! وعلى فكرة لو كان فيه سيرفر كويس ماراح نحتاج للفريق الفني هذا .
- بفترة اجازة الصيف عندهم وقت طويييل لتحديث الانظمة والمحاضرات لو كانت تحتاج تغيير ليه مايستغلون الوقت هذا ؟
- الاختبارات ليه ماتكون منهجية يعني يادكتور درستنا شي معين خلاص أختبرنا فيه مو بوقت الاختبار والواحد ماله خلق تخترع شي جديد بوقت مثل هذا ماتخاف الله يعني ؟ إذا ماعندك اسلوب او قدرة تحط اختيارات متعددة منهجية حاول تاخذ دورات وطور من نفسك ترى والله عادي مو عيب يعني واذا ودك تختبر ذكاء الطالب ليه مادربته على مهارة التموية والأسئلة الفجائية
- الجامعة كل يوم لها نظام وكل يوم لها قانون وكل يوم تلغي نظام وكل يوم تلغي قانون
- رسائل الجوال مااشوفها الا مرتين بالسنة يعني لو نقول 10 ريال وتكلفة الرسالة 30 هللة المفروض تجيني على الاقل 33 رسالة للمستوى الواحد تعلمني ان فيه واجب نزل او فيه مشاركة او فيه محاضرة او او او لأني انا منتسب وعندي دوام وملعنة المفروض يحسون شوي من هالناحية
- الجامعة عندها كم لا يستهان به من الدكاترة واللي انا اكن لهم كل احترام بغض النظر عن سلبيات البعض منهم ومهما كان الاحترام هو اساس التعامل حتى لو اختلفت وجهات النظر فليه ماتستفيد ادارة الجامعة منهم بوضع خططها المستقبلية لنظام التعليم عن بعد يعني هذول منا وفينا واقرب من الغريب
- فيه بريد الكتروني وبريد عادي بالبريد السعودي ليه مايراسلونا بشكل دوري عن نشاطات الجامعة وعن اي شي عشان نحس ان فيه انتماء لهذا الصرح لأن بصراحة انا مااحس الى الان اني بجامعة لأن مافيه اهتمام متبادل وحرص والطالب ضايع من دكتور الى دكتور ومن نظام افتراضي الى نظام قديم ومن اختبار تمويه الى اختبار ماتدري وش يبي طيب والنهاية ؟؟؟
- براسي افكار واااااجد بس انا واثق انها ماراح تتفعل ولكن كتبت المشاركة هذي عشانك يابو ابراهيم وتقبل تحياتي 
|