ذكرتوني بامي الله يعطيها العافيه
يومني صغيره تنومت بمستشفى والدكاتره اجانب
امي اول مايقولون دكتور تتغطى
والامهات الباقيات اللي يتغطى واللي ما يتغطى بكيفهم
ويجي يوم وحده تركض تدور عبايتها وتقول تغطوا تغطوا سعودي
جت بنت سعد الله يحفظها قالت السعودي تغطوا تغطوا وبقية الدكاتره ما قلتوا شي
ورمت الغطوه وجلست بحجابها من الحميه للسعودي
طبعا كان وجهها مثل الطماطه
كلما تذكرت السالفه اضحك وافتخر بنفس الوقت
هذي امي صاحبة المبدا
خالفت نفسها علشان تدافع عن مبداها