ذكريات (4)

الظاهر إنا عدينا إختبار القراءة والمحادثة ,, مو مشكلة نرجع بالذاكرة قليلا للخلف ,,

قبل إختبار القراءة والمحادثة بثلاث أيام دخلت قدرا منتدى إدارة الأعمال ,,

وألاقي موضوع نقد لاذع للدكتور الدوغان ,, دخلت الموضوع ,,>>أوم اللقافة

وإلا يقولون جايب من خارج المنهج ,,والدكتور دوغ روسنا,,

المهم قلت لا لا يمكن مو دكتورنا ,,>>يا سلام على التفاؤل

وأروح أرسل لمشرفة القسم رسالة ,, وأقولها ابغى إسم هذا الدكتور كامل ,,

وجاءت المفاجئة ,,وهي أن هذا الدكتور هو دكتورنا ,,

المهم مرة نفسيتي تدهورت لأني ما فكرت حتى أبحث عن هذي المراجع في النت ,,

ما حبيت أثير البلبة عندنا في القسم ,, وقلت خليها على ربك ,,

ذاكرت الحمدلله من المحتوى فقط وفي بالي كلام طلاب الإدارة ,,

رحت الإختبار ,, وفتحت الورقة ,,كان نموذجي A ,,وإلا أول أسئلة من خارج المنهج ,,

قلت:: (حل الأجل المضروب)>>متأثرة بالمقامة الموصلية ,,

أسئلة أول مرة تمر علي ,, والمشكلة أغلبها أرقام يعني ما فيها اكثر من إحتمال ,,

المهم خليتها وإنتقلت للصفحات الأخرى ,,الحمد لله النفسية تحسنت وصرت ,,>>لأنها من المحتوى

بالنسبة لأول أسئلة رجعت لها و حليتها بالبركة ,,

لدرجة إني تخيلت خطيب يخطب قدامي عشان أقدر كمية الوقت إلي يستغرقة لقراءة صفحة كاملة ,,

طلعت من الإختبار لقيت الوالد مستني برى ,,لقيت أمي معه ,,

سألوني عن الإختبار ,, وحكيت لهم السالفة ,,

جلست أنا وأبوي نتناقش في الأسئلة >>والدي الله يحفظه خطيب ,,

قالي والله الأسئلة راائعة جداا ,, ولو تكرمتي أبغا حل لها ,,

قلت لا تكفى ما أحب أراجع بعد الإختبار ,,

وإلا أفاجأ إني في العثيم مول >>ياللهول عندي إختبارين الأربعاء

قالت لي أمي تعالي غيري جو ,, ,,قلت طيب بس لا تطولون ,,قالت طيب ,,

المهم إني صعقت لما دخلت المول ,,>>قلت لكم سابقا أني قليلة خروج من البيت ,,

فعلا كمية الفساد الحاصل بين شبابنا وبناتنا كمية مرعبة ,,

العبايات مو عبايات والله ,, الوجيه مكشوفة ,,و المكياج صارخ ,,

قلت:: وينكم يا رجال الهيئة عن هذي الأشكال ؟؟

لا حول ولا قوة إلا بالله ,, ضاق صدري ,, وعرفت سبب المصايب إلي حاله على أمة الإسلام ,,

هذا إلي صار نساني إختبار القراءة وإلي حصل فيه ,, والله إني شفت مشهد صارت عيوني كذا ,,

دخلنا محل الله يكرمك (جزم) وإلا ألاقي بنت شابة يعني مو صغيرة ,,تقريبا جامعية ,,

تقيس جزمة وساقاها كله طالع والرجال العامل في المحل يتفرج ,,

وامها جنبها ولا تقول لها شي ,,

قلت لا حول ولا قوة إلا بالله ,, لهالدرجة ,, والله ما توقعت ,,

كنت أنتظر اللحظة إلي أطلع فيها ,, وأرجع بيتنا الحبيب ,,

ضاق خلقي ,,الله يسامحهم ويهدينا وإياهم ,,اللهم آآميين ,,