Silent Light /
ليه زعلان؟؟؟ أخطيت عليك بشيء؟؟؟ هل قللت من قيمتك؟؟ عشان تقول انت ماتعرفني..!!
من كتابتك وأسلوبك أعرف تفكيرك وأعرف شخصيتك ... ما أحتاج أطلب سيرتك الذاتية
وأنا ماقلت لك اقتدي بعايض القرني أنا أقول انتبه لا تكون من الي ذكرهم ... ولو ما أتمنى لك الخير ما قلت لك اقراها واخرج من الدائرة الي انت حاط نفسك فيها وجيتك أناقشك في فكرك وفي كلامك الي أنت كاتبه
كلنا مؤمنين بالعين ونعقلها ونتوكل ... وطالما أنك تذكر وردك في الصباح والمساء ليه تخاف؟؟؟ وليه تعتقد من من إخوانك الذين لا يبغضونك ولا يحسدونك ولا يتمنون لك إلا كل خير أنه ممكن أحد منهم يصيبك بمكرووووه ؟؟؟
كيف تسرد علي كل هذه الأحاديث وأنت لا تأتي بها؟؟؟ أحسن الظن بإخوانك يا أخي...
إذا كنت تتخيل أنه أي انسان ممكن يضرك فالله يعينك على نفسك ويعين نفسك عليك...
أنا أتكلم معك عن شيء واحد فقط.... لا تكتب موضوع وتحط بالخط الأحمر وأمنتكم بالله تقولون ماشاء الله وتكفون قولو ماشاء الله لأنها عيب أنك تجلس عند الرجال وتنط وسط السالفة تقول قولو ماشاء الله ... إذا أنت مانت مرتاح لنا بإمكانك تسكت و ماتسولف وعلى فكرة أنا متأكد أنه فيه كثير قدروا يحلون زين ولا أحد منهم جاء يقول تراني حليت قولوا ماشاء الله...ويستعرض مهاراته وقدراته
رأيك في دكتورك أنت حر فيه .. لا أفرض عليك رأيي، أنت حر فيما تعتقد وأنا حر في رأيي أيضاً
وأنا قلت لك بماذا أخالفك وماهي أخلاقيات المهنة الإحترافية التي كنت أتمناها منه خصوصاً وهو يحمل درجة الدكتوراه ...
أرجع وأذكرك بأنه كان من الأولى من الدكتور أن يقدر ظروف الإختبار وأنه إعادة ويقدر ظروف الطلاب كم واحد لا يستطيع أخذ إجازة للإختبارات وكم واحد عنده مشاكل في بيته وكم واحد جبرته الظروف أنه يكون انتساب وليس انتظام وكم وكم ... وهذي مادة تأسيسية وليست تعجيزية، يقيم طلابه بمستوى الشرح الذي شرحهه لهم ... هل من العدل والإنصاف أن يختبر طلاب كلية الآداب بمستوى أقل وبطريقة مختلفة تماماً عن طلاب كلية التربية وإدارة الأعمال؟؟؟
أسلوب الأسئلة فيها تحدي وعقوبة جماعية .... صح ولا أنا غلطان؟؟؟؟
أنا أعرف ما أقول ولا أتفوه بشيء لا أدركه ولم يسبق لي ولله الحمد أسأءت لأحد لا من قريب ولا من بعيد .... وما تكلمت ورديت على موضوعك إلا لأنك تخاطبني وتفرض علي شيء ليس من حقك أن تفرضه علي ...
الحمدلله كلنا ربينا تربية إسلامية ونعرف متى نقول ماشاءالله ومتى نسبحه ....
وبالنسبة للإدارة ... أنا ما أشوف أني تعرضت لشخصك بشيء مثل استفزازك لنا وتقول قولو ماشاء الله..!!!
ومايحتاج تبلغ الإدارة وتكلف على نفسك الأعضاء ( إخوانك وإخواني ) لديهم عقول ويقرأون ويميزون وفيه أيقونه للتبليغ عن الإساءة سيستحدمونها لو أسأت لشخصك الكريم
أشكرك على درس الحديث الممتع ... لو كنت داري انك بتتعب كذا مارديت...
وإذا ردي عليك زعلك ... فأوعدك ماعاد أرد عليك ... لأنك أخذت الحديث بشكل شخصي وتحسست من كلامي...
وما زلت عند عرضي لك تعال تقهوى معي عشان تاخذ فنجالي لأني ما رأيت شيء يعجبني حتى أقول ماشاء الله.....
تحياتي للجميع