رد: الانجليزي من العيار الثقيل.... وصعب تسريبه
اللي صار صار و الكلام يرفع الضغط اكثر من انه يعالج المشكله و زي ماقلتو مالنا الا قوله حسبي الله و نعم الوكيل
كل واحد منا عنده ظروفه في الموظف و فينا الام و الاب ولاننسا ان الاختبارات تجي مع اختبارات الصفوف الاوليه يعني تذاكر لنفسك و لطفلك بنفس الوقت و فينا اللي حالته الماديه ماتساعده و يضطر يضغط على نفسه كم سنه عشانه متامل انه يبي يدرس و يتخرج و يزين الحال وفينا اللي رئيسه جالس له على الحبه و خايف انه ياخذ الجامعه و ياخذ مكانه وفينا اللي ماهو لاقي التشجيع و يقولون له جاي تدرس على كبر وش خليت لعيالك كل واحد عنده ظروفه و بالرغم من كل هالظروف نجي و ندرس و نسهر و نتعاون هنا في المنتدى و نتحدى نفسنا و ظروفنا وكل شي حولنا نبذل كل ماعندنا وبلحظه و بدم بارد وبدون اي مسئوليه و بدون اي مراعاه لظروف اي واحد منا يقولون لك اعاده الاختبار عشان تسربت ؟؟؟!!!!!!
طيب السوال مين المسئول عن تسرب الاسئله ؟؟ ايش اللي سويتوه في حق من سرب الاسئله ؟؟ وش ذنب الطلاب انكم معينين ناس ماهي قد المسئوليه و الامانه ؟؟ يعاقب المذنب ولا شخص ثاني ؟؟
وبالرغم من كل هالظروف نذاكر مره ثانيه و نجتهد على امل مراعاه الظروف مره ثانيه و للاسف نصدم بان الاسئله انتقاميه !!!!! طيب ليش .؟ وش تبي تستفيد من هذا كله .؟؟
لو ارتفعت نسبه اللي حملو مواد هذا يعيب مستوى الجامعه اولا و طاقمها قبل مايعيب الطلاب نفسهم
وين اللجان اللي تقيم الاختبار ؟ مين حط اسئله الاختبار ؟ هل كان على علم بالمنهج حتى ؟؟
وبعدين سوال الحين وين النجار و الطاقم التقني للجامعه لمن كانت المحاضرات ماتفتح ولا تتحمل ؟؟؟
ولا هذا كان شي متعمد ؟؟ وبعدين ليه تسكر الافتراضي و بمجرد ماتسكر سبحان من خلى المحاضرات تفتح و تتحمل سرعه البرق
شكل الجامعه تعاني من ازمه ماليه و تبي تطلعها من جيوب الطلاب
|