ملتقى طلاب وطالبات جامعة الملك فيصل,جامعة الدمام - عرض مشاركة واحدة

NOW OR NEVER · #1 2012- 5- 28

بخش بالموضوع

جات في بالي كم ملاحظة هنا على بعض المواضيع والردود

ما اتكلم عن الشطحات وتغيير المسار لانكم تكلمتوا فيها وانا اشوفها شي حيوي نوعا ما

اذا كان في نفس الخط والاتجاه وليس المسار فقط

يعني نطلع كتف شوي , جلد , قطوع بس نفس الاتجاه من تكون شطحة عكس الاتجاه

,,,,,,,,,,,,

المهم

الحين اجي القى واحد كاتب موضوع وش زينه حلو ومرتب ومفيد او حتى نقاش

ارد عليه وغيري يرد وثالث يرد ورابع و خامس .............

وراعي الموضوع ولا كنه موجوده او هذا موضوعه

انا قلت يمكن يكون مشغول مريض نايم بالدوام بالمستشفى يعني معذور

ولكن

تلقاه ساحب على الاعضاء ومتسدّّح في مواضيع ثانيه ضحك وسوالف او نقاش

وكثر خير اذا شرّّهم بكم إعجاب

طيب طال عمرك عندك عالم في موضوعك (ضيوفك ) قابلهم وتحفّّاهم ووجبهم

هل هذا طبيعي او انا فاهم المواضيع غلط

وقاعد لكم على التكّّه والمفروض اغض النظر او ما ادقق

انا عن نفسي صرت اتحاشى ارد على بعض الاقلام لعلمي المسبق انه كتب الموضوع ونساه

ولوجود اعضاء غيري ردوا وسحب عليه (من وجهة نظري)

انا اشوف موضوعي اللي يجي فيه كنه ضيف في بيتي

انتو وش رايكم عادي يعني تكتبون مواضيع وتطنشونها

الموضوع ماهو استبيان للنقاش اذا ممكن

+

اقتباس:

المشاركة الأصلية كتبت بواسطة أسير نجد

الله يعطيك العافيه يابو يارا

تمنيت انك اضفت الى هذا الموضوع الجميل مسالة ( التجاهل ) ( والتسفيه ) لبعض الردود دون الاخر !!!

لانى لاحظت هذا في بعض المواضيع وهى قله للامانه , فتجد صاحب الموضوع يعلق على بعض

الاعضااء ويتجاهل الاخر ولا اعلم عن الاسباب حتى الان !!!

,,,,,, تقبل هذى الاضافه البسيطه من عندى للنقاش الجميل والموضوع الرائع ,,,,,,

(( وانا اخوك واموون عليك بعد واعتبر مواضيعك هى مواضيعى يالذيب ))

تحياتى لك //

اسير نجد

ارجوا اخذ مشاركة الاخ اسير من ضمن صلب الموضوع ونقاشها