2012- 5- 28
|
#723
|
|
المٌشٍرفه العَآمه على منتدى كلية إدآره اعًمًالٌ سابقاً
|
رد: " مجٍ'ـَـَنۈن منٍ لقأ‘مثلٍ [ قلبيُ ] ۈ عٍ'ـَـَآفــﮧ . . . ‘ !
خلوني اسولف معاكم شويات ""
شرايكم بالي يشوف نفسه دااائمااا صح والناس كلهاا غلط وانه هو الي فاهم كل شي والناس مو فاهمه
نفس - غنيمه - الي بـ غريب الدار تماامااا ونفس اسلوبها وكلامهااا 
( انا كبرت ربيت علمت شلت دفعت وتعبت .... الخ )
انا من شفت هالمسلسل قلت سبحان الله يعني في ناس كذا من جد مو بس عندناا ""
شرايكم بالي يقول لو انا ظالمكم بشي كان - ربي سوى فيني شي - هذاني للحين ماجاني شي "
شرايكم بالي وده ان امه ترجع وتقوم من قبرها ويشوفها بس ثانيه وحده وهو حارم عياله من شوفه امهم
ولا سألوه ليه مانشوفها يقول - مزاج -
بالعربي العيال ضاعووو تايهين بين ام واب ""
يقول تبون تشوفونها بالمحاكم  وهي تقول عادي اروح محكمه واشتكي ليه لا ""
طيب مافكرتو بـ نفسيات عيالكم ؟؟
تودونهم محاكم يشهدون على ابوهم او امهم ""  ولا كأنه صار شي ونخلص من المحاكمه ونرجع البيت وعادي ؟؟
انا مدري من الغلطان امي او ابوي او احنااا الي ضايعين بالطوشه ؟؟
الأب / حارم عياله من امهم لا كلام ولا جوال ولا تليفون يكلومنها من وراه بالدس ويشوفونها بالدس كأنهم مسوين شي حرام استغفر الله
بنته الكبيره / حارمها من الزواج والسبب - لو زوجتك بتروحين لأمك وتشوفينها - لو زوجتك من يقوم بالبيت وينظفه ويقوم بـ اخوانك " اكلهم شربهم قومتهم للمدرسه ""
الولد الكبير / ترك البيت وطلع وراح مكان ثاني استقر هناك واشتغل يجي يزور ابوه واخوانه من اجازه لـ اجازه
والعيال الباقين/ كبروو الحين ومصيرهم يطلعون من البيت زيهم زي اخوهم الكبير "
البنت الصغيره / شخصيتها جدآآ شديده وتاخذ حقها ثالث مثلث ماشاء الله عليها لكن برضو منكسره من داخلها وما تبين اكتفت بالسكون والتظاهر بعدم المبالاه ::
كل واحد يدخل غرفته بالليل ويتوسد على مخدته وينام والمخده كلها دموع ""
ليه الواحد ينحرم من ابسط حقوقه بسبب ناس منقهره وحاقده ""
وش ذنبي انحرم من شوفه امي  كل يوم اسأل نفسي هالسؤال ؟ وان شكيت وفضفضت الجواب - اصبري-
اوك انا صابره وساكته وعارفه ان هذا كله مكتوب واكيد فيه خير لي ولـ اخواني ""
بس ابوي الله يهديه اي احد يربطنا بـ امي مايخلينا نتواصل معاه ::
خوالي الي عندنا نروح لهم بالدس اهلي نكلمهم بالدس امي اكلمها بالدس
ومن ولدت عبودي ابوي زاد قهره وحررمنا من السنه الي فاتت من السفر عشان لا نشوفها وسافر هو وتركنا شهر لحالنا بالبيت
بس ماسكت  جاء اخوي الكبير وسويت لهم مناحه وصياح ونياح قلت ابي امي
وودانا الرياض ومن ثاني يوم امي ولدت عبودي حضرت ولادة اخوي حبيبي 
وقتها قلبي ارتاح ورجعنا الجبيل قبل لا يرجع ابوي بيومين ""
وهالأجازه قال مافي سفر بعد
صحت انا واختي واخوي قدامه واول مره ارفع صوتي عليه قلت له بروح  قال لا تعاندين قلت ما اعاندك بس بروح
قال امك رمتكم وقطتكم علي وتركتكم وووو .... الخ
المشكله كل الي قاله ماصار من انا صغيره ابوي مهبل ب امي مسكينه حتى يوم انفصلوو جيرانا صلحو لأمي عشاء 
واهلي حفله
وخالاتي عشاء
من زود الوناسه
المشكله هو احسن واريح لها والله اتحمل قهر ابوي لين اموت ولا ترجع امي واشوف دموعهاااا ""
على قد ما اتكلم محد بيحس الي بداخلي انا واخواني
لا سمعت اغنيه عن الأم لا شعورياا عيوني تدمع حتى لو كنت ميته من الضحك "
لا شفت صديقاتي مع امهاتهم اناظرهم وابتسم اقول اعوذ بالله امي حيه وعايشه وهي بمكان وانا بمكان
من وقتها صرت لـ اختي ام واخت وصديقه وكل شي عشان لا تحس بالي احسه واخواني بعد صرت لهم ام اي شي يبغونه يجوني اول " ويسألوني
ان طلعت من البيت او مرضت - متى بتجين - يلا تعالي بسرعه - طفشناا - احنا جوعانين - احنا تعبانين
من وقتها قلت انا لو طلعت من هالبيت بينهد " فـ بلا زواج وخرابيط من وقتها شلت سالفه الزواج من راسي "
مع اني وحده تموت بشي اسمه اطفال وخاصه بنات ""
حاطه حرتي بـ فخر وشيماء بنت صديقتي ""
وفديتهم صديقاتي بعد يجيبون بناتهم عندي يخلونهم ينامون عندي كم وم احس بـ الأمومه كم يوم من جد شي يحزن "
لكن الحمد لله على كل حال ""
|
|
التعديل الأخير تم بواسطة ǺĽ ẕeeห ; 2012- 5- 28 الساعة 07:03 PM
|
|
|
|