|
رد: صوتك لا يعلو على صوت زوجك ..!!!احرصي ..
مرحبا اخوي
ابغى اعقب على كلامك اللي انت قاعد تقوله ...
انت تقول ان الرجال اذا قرا هالكلام امتلى قلبه ويبداء بالانتقام من زوجته البريئه اللي ماسوت
شي هذا يدل على مدى تخلف هالرجال وعدم ثقته برجولته وكلمه توديه وكلمه تجيبه
اتمنى قبل لا تتهمنا بالنفاق والحسد والغيره انك ترجع وتقرا المشاركات كويس
انا وخواتي تكلمنا عن الحريم المستضعفات اللي مهانات اللي انداس على كرامتهم نقولهم
لاتسمحين لزوجك انو يتمادى ولا تخلينه يمد يده ويبطش فيك واعتقد ان سالفه ضرب الزوجه بغير
سبب شرعي يعد عنف واعتداء جسدي وعليه عقوبه شرعيه
وعلى فكره الكلام هذا مو من عندي انا خريجه دراسات اسلاميه وافهم في قانون القعوبات اكثر من
اللي مادرس تخصصي من دون ما ادعي علمي بالدين او التقليل من علم احد بس هذا تخصصي
درست هالشي مايقارب اربع سنوات
ومسأله ضرب الزوجه ذكرت في القرآن وحددها الله سبحانه متى وليش وقبل الضرب تكون
الموعضه والنصيحه وبعدين الهجر والمقاطعه لثلاث ايام وبعدها الضرب في الظهر مو في الوجه ولا
الحرق بالزيت ولا الضرب بالساطوره ولا العض حتى الموت ولا ادخالها شهار ...
والامر الاخر الرجل يستخدم سلطته في الدفاع عن بيته وكرامته وحمايه اهله مو في اثبات قوته
ورجولته وشده بأسه على زوجته
وانا الى الان ماني فاهمه لما تكلمنا في سالفه تعنيف الزوجه واهانتها حسيتكم يالرجال ثارت
اعصابكم اكثر واعتبرتم ان الزوجه اذا اخذت حقها منه تعد هذي اهانه له وانتقاص لكرامته..
اسمعوني يابنات انا بأنصحكم نصيحه لوجه الله تعالى واللي يعتبرها تحريض كيفه انا لاني حاسده
ولا غيرانه ولا منافقه ...
يابنات اللي متزوجات ولا عازبات الله يوفقكم مع ازواجكم ويبلغ العازبات بأزواج صالحين يسعدونهم
ويخافون الله فيهم...
حبي زوجك واحترميه وطيعيه فيما امر الله واملئي عينه واحفظي بيته وافعلي كل امر يحبه فيكي
..وفي بيته الزواج رابط مقدس وحياه راح تدوم ان شاء الله الى النهايه ...الزواج عمر يمضي وراح
يكون بينكم اولاد واحفاد لازم تكون علاقتك فيه قويه وحبكم يتجدد ..ماحد خالي من العيوب
والمشاكل والله انها ملح الحياه
حكمي عقلك وسيطري على اعصابك شيلي من مخك ان الرجال صعب التعامل واذا بأثبت كلامي
ترى الرجال مايتحمل دموع الحرمه وبسرعه يضعف ...لأنه انسان مو جماد
لكن ضعي بينك وبينه خط احمر هو الكرامه لا تسمحين له ان يهدر كرامتك مهما كانت مراجله
ومهما كانت امواله كرامتك اذا ضاعت ما احد بيسترجعها لك والله اللي ترضى ان زوجها يضربها
ويعنفها والله العظيم انها طايحه من عينه
انتي بن اجاوييد وبنت احرار ما اخذك من بيت ابوك وانتي جاريه وعلى يده اعتقك لا ...ولهن مثل
الذي عليهن
وانتم يالرجال
مانبي منكم غير الكلمه الطيبه والحب الصادق لا تمد يدك ولا تهين زوجتك عاملها بالحسنى وشف شلون
بتحطك تاج على راسها حكم عقلك في مشاكلكم ولا تدخل في مخك ان المرأه يجب ان تخضع لك
الخضوع التام انت اكبر منها ولا تنتقص من عقلها او تسخر منها ان كيدهن
عظيم وهذا البرنامج مثبت فيها وصعب تهكيره واختراقه او ازالته لانه يمشي في دمها وهذي هديه
ربانيه لأن المرأه ضعيفه في بدنها لكن في فكرها لا ...
اثبت رجولتك بحبك لها وبقوتك في نظرها اذا اخطأت انصحها واذا اصلحت شجعها واذا تمادت عاقبها
انت زوجها وحبيبها والاول في حياتها والاخير في نظرها انت كل شيئ بالنسبه لها بكلمه طيبه تكسبها ...
اتمنى انو الصوره وضحت لك ياخوي ...
اعتـــــــــــــــــــــــــــذر لصاحبه الموضوع على الاطاله اسفه جدا
|