المشاركة الأصلية كتبت بواسطة turning point

انا ماني عارفه انتو ايش تبغون
مشاكل البلاك ايش لهم فيها هاذي من الضغط قبل الاختبارات حملت كل المحاضرات ولا يوم قطع عشان من بدري مخلصه
الرسوم معفين اللي تابعين للضمان والقيمه اقل من كل الجامعات
ليكون تبغون تتواصلون وتتكلمون على اسئلة الاختبار والتصحيح
ولا فورمة الاجابه اللي مو عاجبتكم واياديكم نملت واتشنجت من التظليل
نقطة واحده المهمه في كل هذا الطرح الترم الصيفي لاغير والباقي اسمحو لي كلام فاضي
ومطالبة الجامعة بالترم الصيفي لاتقتضي كل هالزوبعه اللي مسوينها
داود هذا اعلامي يهمه نجاح برنامجه اكثر من حل المشاكل واحد فيكم يجاوبني هل داود يتابع بعد نهاية الحلقه ايش صار على المشكلة اللي طرحها في اي حلقه سابقه
مسؤلية الاعلام فقط القاء الضوء على مكامن الخطأ واحراج المسؤولين امام الرأي العام
نصيحه التفتوا لدراستكم واذا كان فيه اخطاء فكما انتم يولى عليكم
لو فينا نوابغ ومخترعين وابحاثنا في موسوعة جينيس كانت الجامعه اتطورت عشان سمعتها من سمعة طلابها النوابغ مو كل واحد يدور درجة النجاح ومعاريض عشان يراعونا في التصحيح وكل واحد فاتح موضوع يطالب بحقوقه المسلوبه
سامحوني تراكم اخواني واخوتي بس من جد زودتوها