هلا فيك اختي الكريمة
موضوع طيب بس وينه ايام زواجي الله يرحمها من ايام راحت
بس الصج يقال العلاقة الزوجية مرتبطه بالزوج والزوجة بدون كتب خارجية او براشيم
وكان زواجي بصراحة لا حب ولا بطيخ
يعني الحب يولد بعد الزواج وهذا اقوى اوصال الحب
وبصراحة كل يوم لنا حب جديد ودلع جديد ماشاء الله عمر لنا من تزوجنا وجبنا بزوووره بس الروح لسه 
طيبه
والزواج حلاته بدون حواجز خليك على طبيعتك
بس نصيحتي للمتزوجين حذاري حذاري حذاري تخدعك المرأه بطيبتها 
تاخذ منك كل المعلومات ودقيقه لدرجة ما تتصورها
وممكن تعطيك طعم وتاكله مثل الدوووب وتطلع كل مافي قلبك
صحيح الاسرار دمار بيوت بس مرات الزوجة تغار حتى من افكارك يعني جالس معي وتفكر بغيري
واذا اكتشفت الزوجة مقدار حبها راح تملكك غصب من ورا خشمك رضيت او انرضيت قلت طاط او بطاط بتسويك مثل ماتبي
وسبحان الله هذا شئ بالنساء خاصة
والرومانسية لا تستحي منها وربي انا اشوف متزوجين يستحي من الرومانسية
لدرجة ان واحد قالي عيب
قلت له وش فيك انت يعني بتلبس احمر وبترقص لها انا قصدي جو رومانسي سوالف نص كم هديه ورده عطر ساعة سياره علشان تقول هذي هديه سياره وتبيعها لانه ممنوع قيادة المرأه بالسعودية
الزوجة مرات تكتفي بالكلام الحلو من المال وكل شئ وتبيع الكون وتشتريك
وانا بصراحة بحكم اني بيتوتي احب اسولف مع المعزبه مرات واحب اخذ واعطي معاها
وكان في مسلسل خليجي فيه وحده في احد المرات دلخت وانا اقز فقالت لي عيونك لا تطيح 
الحياه فيها فرفشة
ومرات اقول لها شوفي اذا دخلنا الجنة ان شاء الله الحور العين بخليهم جواري لك
ضحكت وقالت انا ماسلمت عليك من حريم الدنيا تبيني اصدقك 
بالاخره
والله انا نصيحتي لكل اعزب وعزباء بالزواج والله الزواج اذا كان بنائه على امور صحيحه وحب متبادل وبحث عن السعاده سوف يبني لك السعاده
ولا تكثرون بالشروط لا شباب ولا بنات
خليكم وسط
والثانية مافيها شئ والشرع حلل اربع
ولكم الشكر والدعاء