|
رد: { بـووـووح ـآلخ ـوآطر .~
ما قلت احبك ولا قد قلت ما احبك
احب مالي عيوني وانت تسواها
لوتدري اشكثر تعني لي تعرف إنك
آخر امل في حياتي وأول مناها
ياكثر احس ان بك مني وبي منك
روحٍ قسمها شخصيين مولاها
لاتقول شتحب فيني اعشقك كلك
من ليل شعرك لشمسك واخر اقصاها
سميتني نصفك الثاني وياشحك
انا بسميك كلي وانت معناها
تعبت اوديك له ياقلب ويردك
لا خذ حلومي ولا خلاني انساها
كل الحمام استراح وناح في ظلك
والورد الاصفر سقته الروح من ماها
ليتك بعمري ثلاث اشخاص ما املك
واحد معي دوم واحد روحي يملاها
والثالث بجفن عيني لافقدت حسك
او غمض الجفن جاني فيك يتباها
مو بس أحبك أنا والله من حبك
أحب حتى ثرى الأرض ألي تطاها
|