|
رد: { بـووـووح ـآلخ ـوآطر .~
اشتقت لي مَرّه وانا اشتقت مرات
والبُعد عنـّك يا حبيبي حداني
والله لو دونك تطول المسافات
قلبي يجيب لخافقك لا دعاني
ووالله ما انسى ماضيٍ بيننا فات
وما انسى خفوق ٍ من حنانه كساني
لا تحسبين انّ الغلا بيننا مات
والاّ مكانك عاش به شخص ثاني
حبك سكن بين الضلوع الرهيفات
الله بحبك يا حياتي بلاني
لا اقبل عليَّ الليل أخذت غفوات
وأعيش معء طيفٍ دعيته وجاني
أمتـّع الروح العليله بسجّات
وابرد لهيبٍ في ضميري كواني
من ضيقةٍ فيني تغنـّيت بأبيات
وأسمع صدى صوتي يدُور بمكاني
إن كان باقي لي من العمر ساعات
أعطيك ما تبغين والعمر فاني
الناس واجد .. بس للقلب مشهات
وأنتي دوا قلبٍ بَراه الزماني
|