السلام عليكم
عندي حلم غريب شوي حلمت من اسبوع تقريبا اني رايحة بيت اختي في قطر وهي في الحقيقة بيتها في الدمام وكأنه بيتها فيلا كبيرة ومرة حلوة وكان فيها ملحق وابوي جلس في الملحق عشان يدخن ويطالع التلفزيون وجمب الملحق هذا مستودع صغير حاطيين فيه اغراض البيت وجيت انا فيه حتى أخذ شئ بس ماأذكر يمكن علبة حليب لأن كنا بنطلع والمستودع هذا ماأقدر ادخله إلا لما ادخل الملحق يعني هم تقريبا داخلين في بعض وشفت ابوي منسدح يشرب شاي ويوم جيت بأخذ العلبة طاحت مني وراء الفريزر وماعرفت اطلعها وبعدين حاولت ادور علبة غيرها في المكتبة بس مالقيت لقيت عصافير في قفص حاطينهم فوق المكتبة وابوي كان منسدح تحت المكتبة وبعدين وانا اطالع إلا اشوف شئ أسود وخفت طلع فار جمب قفص العصافير وقمت اصرخ على ابوي يقوم عشان مايجيه الفار بعدين الفار حرك القفص وطلعو العصافير وانا وابوي طلعنا من الملحق وسكرنا الباب بسرعة عشان نحبس الفار بس طار واحد من العصافير برا
وبعدين شفت نفسي كأني طالعة رحلة في البحر وكأن معي اخوي الكبير وكنت فاتحة وجهي وشكلي كنت لابسة كاب وكأن هذا البحر يشبه البركة مرة صغير واشوف رجال جالسين جمبه يبيعون شبك حق الصيد قلت خلني اشوف سعره يمكن اشتري واصيد سمك قلتلهم بكم الشبك قالوا لي بعشرة فرحت لانه رخيص وشريت منهم شبكة ورميتها في البحر وصدت سمك كثير تقريبا تعبت كلها بس اللي لاحظته في السمك اللي صدته إنه مايتحرك فخفت ان يكون ميت في البحر وانا جيت وصدته ورميته مرة ثانية في البحر لاني شكيت في امره وكررت هالشئ 3 مرات الين جاني اخوي قالي شفيك قلت شف هالسمك اللي اصيده مايتحرك بعدين قالي لاتخافين اهو حي يالله نأخذه وبعين خذناه ومشينا ورحنا لامي في البيت وحطته في قدر وطبخته بعدها مادري وشصار انتهى الحلم