المشاركة الأصلية كتبت بواسطة NOW OR NEVER

نعم لكل جيل مقوماته ومتطلباته

مثلا جيلي كنت اروح المدرسة اللي تبعد عن بيتنا مسافة بعيده جدا واقطع فيها كم شارع عام

وماكنا نشتكي او تقول شي + شنطه شايلها على ظهري وزنها نص وزني وما له كفرات

جيل الان بين البيت وبين المدرسه 500 متر ويروح ويجي بسيارة مكيفة


جيل الامس كنت في عمر 8 سنوات أرسل اجيب مقاضي يوميه على السيكل

جيل اليوم ابو15 سنة ويالله يجيب لك خبز بريد


,,,,,,,,,

يوم كنا صغار كنا نطلع نلعب في القوايل بالصيف من الظهر الى اذان المغرب ومحد يفقدنا

الحين لو يغيب الطفل 10 دقايق صار استنفار بالبيت

,,,,,,,,,,,

والجيل اللي قبلنا كان يختلف كان ابو 13 او 14 سنه رجال يسافر بالحالة يدور رزقه لسنوات طويلة بعيد عن اهله

والدي رحمة الله عليه توظف في ارامكو وعمره 15 سنه

,,,,,,,,,,,

كل شي تغير الناس البلد الطيبة الامن الدنيا تغيرت
الان ما تامن على طفلك يلعب عند الباب تخاف ينخطف


,,,,,,,,,,

لكل جيل مقوماته والحياه تختلف من جيل الى جيل

وفي كل ٍ خير

شكرا يا برق على هالموضوع الحلو