|
رد: لو مافيه تعليم عن بعد(انتساب)
لو ماكو عادي  ولأن انا دخلت هنا صدفه وفجأه شفت نفسي بالجامعه وادرس  كل الحكايه اختي الكبيره سجلتني وقالت كملي تعليمج  من رغم عندي دبلوم كمبيوتر ولأني رافضه الجامعه وبشده ولأن الوالده ربي يطول بعمرها يارب حاولت معاي اكمل بجامعة الملك فيصل سبحان الله مع اختي حتى كان انتظام ودراسة 4 سنوات بـ 40 الف  بس رفضت ولأن اعرف نفسي ليش اخسرهم هالمبلغ وانا بنجح بس مابتفوق بدراستي ودخلت معهد يعني عساس ابي العب و وناسه < مو وجه دراسه وكنت اتنقل من معهد الى معهد ويوم ادرس ويوم العب وبعدين فتح هذا النظام الجميل وسجلتني فيه اختي  ربي يحميها ويرزقها بـ 3 اطفال غير عبودي ان شاءالله واختارتلي القسم بعد وربي ماقصرت ربي يسعدها ويوظفها بذيج الوظيفه الى تستاهلها عاجلاً غير اجلاً  اختي هذى متخرجه من قسم احياء من قبل 10 سنوات اقولها لو اخترتي قسم الممات بدل الاحياء مو احسلج استغفرالله ياربي المهم مكتوب اكمل دراسه في جامعة الملك فيصل مثل ماتتمنى امي سبحان الله خبصت من معهد الى معهد وفي الاخر دخلت جامعه بس الحمدالله استفدت بصراحه وشهادة المعهد معترف فيها بالديوان وعلى المرتبه الخامسه بس الى مو متوفره الوظيفه بس بصراحه الشركات يرغبون الكمبيوتر وبشده المهم ماعلينه من هالحجي طولتها عليك وهيّ قصيره ..
هذاني جدامك في مستوى مخلوط من خامس وسادس واذا الله احيانا واعطانا عمر باقي لي سنه وهالنص واخلص بأذن الواحد الاحد وافكر بالماستر اذا الله راد او دبلوم تربوي على حسب افكر عاد اذا جاوقته يا دبلوم او ماستر وتالي عاد بلحق اخوي امريكا وقلت له خذني معاك والا ترى ادعي عليك تفشل وترجع خاف المسكين قال اتخرجي ويصير خير << طار خيالها للخارج شفت كيف التعليم عن بعد شسوابي مو كنت اسرح وامرح مابين المعاهد والحين بطير للخارج 
الله يعطيك العافيه واسعد الله ايامك
شكراً لك ...
|