|
رد: كل ما يتعلق بنتائج الإختبارات النهائية
اقتباس:
المشاركة الأصلية كتبت بواسطة كول كول
ممكن استفسار
الحين يوم التخرج المعدل النهائي على اي اساس يحسب على اساس اخر ترم او ايش
واي سنه المفروض اشد حيلي فيها
لاني اخاف اشد الحين ويوم يجي اخر سنه يصير شيء او ظرف ويطلع معدلي شين على اخر ترم
كيف يحسب معدل التخرج وهل بيفيد معدلي الحين
|
يوم التخرج المعدل النهائي على اي اساس يحسب على اساس اخر ترم او ايش
ترم التخرج مثل أي ترم ، يوجد له معدلين : معدل فصلي ، ومعدل تراكمي .
المعدل الفصلي : هو المعدل اللي حققته في الترم فقط .
المعدل التراكمي : هو المعدل اللي حققته نتيجة درجاتك في جميع الأترام اللي درستها من أول ترم إلى ترم التخرج وهذا هو معدل التخرج .
يعني معدل تخرجك في آخر ترم هو المعدل التراكمي اللي بتشوفه مكتوب لك في سجلك الأكاديمي .
وفكرة ان معدل التخرج ينحسب على معدل آخر ترم هذا خطأ !
معدل التخرج اللي هو المعدل التراكمي ما ينحسب لوحده أو لترم معين ، هو ينحسب على أساس كل الأترام اللي درستها .
واي سنه المفروض اشد حيلي فيها
المفروض تشد حيلك من أول ترم لآخر ترم ، لايكون عندك فكرة انك مثلا تجيب معدل منخفض طول السبع أترام وإذا جا الترم الثامن اللي هو ترم التخرج بتجيب فيه ممتاز معناها راح يرتفع معدل تخرجك ، خطأ !
لو افترضنا انك جايب في كل الأترام مقبول ، وجا ترم التخرج وجبت في كل المواد ممتاز ، بتلاقي معدلك الفصلي ممتاز ، لكن معدلك التراكمي اللي هو معدل التخرج مقبول أو جيّد في أفضل الأحوال .
لأن المعدل التراكمي يرتفع وينزل حسب درجاتك ، فإذا تبي تحصل على معدل تخرج مرتفع لازم تكون شاد حيلك من أول ترم ، لأنها هي حسبة متراكمة ومعتمدة على بعضها .
كيف يحسب معدل التخرج
ينحسب على أساس المعدل التراكمي مثل ما شرحت لكم في بداية الموضوع ، اقرا الموضوع كامل وبتركيز ، وغذا صعب عليك شي اكتب لي سؤالك وإن شاء الله تبشر بالخير .
وهل بيفيد معدلي الحين
سواء معدلك اللآن منخفض أو مرتفع لازم تشد حيلك وتجيب معدلات عالية عشان ترفعه أو تحافظ على ارتفاعه ، المعدل إذا كان مرتفع وجبت بعده درجات منخفضه راح ينزل .
بالتوفيق للجميع ...
|