|
رد: الحكاية مع التعليم ( كل واحد يقول )
مشاء الله
والله انكم بقصصكم هذه تعطون الواحد امل ربي يوفقكم ويوفقنا
انا قصتي مشابهه لقصصكم يجمعها الطموح
انا تخرجت من الثانوي بنسبه ممتازه لاكن انجبرت اتوظف مع اني كنت ابي اواصل دراستي الجامعيه
وتوظفت ولله الحمد وبديت منتسب بجامعة الامام تخصص لغه عربيه وانهيت مستويين لاكن بعدها رفض مديري في العمل عن اكمال دراستي ثم توقفت لين نقلوه من عندي الله لايوفقه
بعدها رحت وانتسبت بجامعة الملك عبد العزيز تخصص لغه عربيه وكان المدير الجديد رافض بعد اكمال دراستي وواصلت دون علمه على حساب اجازاتي الاعتياديه والعرضيه ولما وصلت المستوى الثالث اكتشف حركات نص الكم على قولته يعني عرف با امر دراستي وصار كل ما جاء الاختبار وقدمت عليه اجازه رفض بحجة ظروف العمل ماتسمح قلت بسيطه مصيرك بيجي يوم وتفارقني انت وخشتك مثل اللي قبل مالي الا انتظر
وفعلا انتظرت 5 سنوت لين احالوه للتقاعد مريته بمكتبه وقلت مواصل مواصل الدراسه الله لايعوق بشر
جاء مدير جديد وقدمت عليه ابي موافقه ادرس ورفض مثل اللي قبله بعد
سمعت عن جامعة الملك فيصل وان اختباراتها مسائيه وتقدر تختبر في اي مكان وقدمت عليهم والحمد لله انقبلت .
عدى المستوى اول وانا اداوم واختبر وربي يسترها لين اتخرج وبمشئة الله ماراح اترك الدراسه حتى لو اظطريت اني اكملها بعد ما اتقاعد
والف شكر اخوي فضيل على موضوعك الرائع
|