كل مايتعلق بقسم الدراسات الأسلامية " فكرة عامة عن القسم "
السلام عليكم  
تسيف الحال 
كل العام و أنتم و بخير بمناسبة العطلةة مابغينا   , الله يوفقنا ونجتاز جميع المواد بكل أريحيه , وتكون عطله جميلة من كل النواحي و الفله والدجةة و تسذا ..
راح آتكلم عن قسمي الدراسات الأسلامية ..
قسم جميل , يكفي بإنك تأخذين منه العلوم الشرعية و تستفيدين منها بإذن الله تعالى , لتكن نيتك عند دخولك للقسم و إي قسم آخر هي :
" أحتساب الأجر "
اولاً المعدل :
أقل معدل يعني لو 2 دخولك دراسات  , مع أنه أهم قسم , و كذلك تدخله بعض الفئات من المجتمع للأسف ماتستحقه , لان عقيدتنا لابد إن تكون سليمة , نؤمن بالله - عز و جل - وبإن محمد صلى الله عليه و سلم رسوله , من غير أي بدع و خرافات تصدر من أشخاص مرضى ..
مدى الصعوبة في القسم !
القسم مش صعب للدرجة التعجيزية و لاسهل , القسم وسط بين الصعوبة و السهولة , يبي لك تركزين مع الدكاترة لان غالبية دكاترة الدراسات يعتمدون على الكلام في المحاضرة , تنصدمين في ورقة الأختبار بـ أشياء ماتدرين عنها أذا كنتي ماتتابعين مع الدكاترة ..
عدد المواد كل سمستر :
9 مواد
الخطةة الدراسية لقسمنا :
http://www.kfu.edu.sa/ar/Colleges/ar...udyPlans1.aspx
رئيسة القسم :
الدكتورة نوال المطيري
قمةة ربي يسعدها
دكاترة القسم الي أذكرهم :
د/ مريم المغربي : لله درها , شرح , تعامل , سهولة في المادة , المحاضرتين الأولى ماراح تحبونها لانها شديدة لكن بعدين راح تحمدين الله دخلتي عندها , نظامها واجبين و تقراهم وتعطي كل بنت حقها , ماتحب الحكي الدش واللق لق الواجد ابداً , تقول لنا في آختبار الأسانيد أنها احتمال كبير تمسك مادة علوم الحديث , محظوظين أذا مسكتها لان المادة شوي يبي لها , و الدكتورة مريم راح تتركها سهله لكم بإذن الله  ..
د/ وداد الخان : ذي وش أقول عنها  , حبيتي هالدكتورة , أم للطالبات , محترمة حبوبه , نصيحة الدكتورة وداد لا أحد يطوفها , أسئلتها واضحه جداً , تكب الدرجات كب , شرحها يعجبني مع أنها تسولف كثير و سوالفها حلوه ..
د / مصلح النجار حبيبي هالدكتور , أجمل دكتور مر علي , اكتبوا معه في المحاضرة و اللي كتبوته راح يجيكم نصاً في ورقة الأختبار , أسلوبه جميل جداً , يتعامل معنا كأننا بناته , الله يسعده وين ماكان , يارب يدرسني من ثاني
د / جمال نور الدين : يالبى قلبهه , مثل مثل الدكتور مصلح النجار , نفس مواصفات الدكتورين في بعضهم , يكتب واكتبوا معه اللي يكتبه يجيبه و اسئلته سهلهه جداً ..
د/ المبروك الشيباني : مثل الثنائي اللي فوق , لبى قلبهه , أقسم بالله أسلوب و شرح , شوفوا مواصفاتهم مثلهم , يكتب معنا واللي يكتب يجيبهه , اسئلته سهههله ..
د/ عمر مكحل : أسلوبة و شرحه حلو , اسئلته حلوه , لكن اسئلته في النهائي تكون صعبه , و يحب يجيب تطبيق عملي , لكن يدف في النجاح ..
د/ محمود مبارك : ي لبى هو , يهبل ورب البيت , اسئلته أسلوبه تعامله معنا , طريقته في الدرجات رهيببةة , الله يوفقهه بس ..
د / أحمد دسوقي : يهبل يهبل , بس الورقة خلها له مليانة وراح تجيبن فل ماركك يحب الهذره حتى لو السؤال أجابته سطر يحب تسولفين له بالورقة , بحوثه سهلهه جداً , الله يوفقهه وين ماراح ..
د/ كمال يوسف : يالبى , جميل جميل جميل , مايشرح ويقرأ لكن اسئلة سهلهه حححيل , ويعطي درجات , ياليت يجينا سنة رابع ..
د / منيرة الدوسري : رهيبه , تشرح بذمه , تعتمد موادها على العروض التقديمة , محاضرتها دائما قصيرة و مش ممله ابداً , واجباتها ححلوه , اختباراتها سهله جداً , لكن توزيع الدرجات يعور القلب , ماتزيدك لو درجة للنجاح ذا عيبها الوحيد , لكن دكتورة قمةة ..
د / انتصار العمر : تقرأ , حقانية , ماتحذف ولاشي من المنهج , شديدة , النجاح عندها مش بنسبة كبيرة , و أذا عديتي من عندها بدرجة مش بطموحك , برغم أنها مسكت مصطلح الحديث على دفعتنا و المادة سهله لكن الحمدلله عدينا منها  ..
د / مريم التميمي : م أستلطفها ابداً , طيبه , تسولف تضحك في المحاضرة , ماتشرح , بحوثها صعبه حيل , تتوقعين تأخذين معها آي بلس , تنصدمين بالنجاح بدرجة متدنية أو أف , حسبنا الله و كفى , كانت تدرس أصول فقه سيئة جداً في المادة , لكن متمكنه جداً في المواريث و شرحها جميل ..
د / سمية أبراهيم : تشرح بذمه , طويلة محاضرتها , أسئلتها بين السهله و الصعبة , لكن عندها أمانه وتخاف الله , وتعطي بحوث جماعية بس تأخذين معها درجة ترضيك المهم تكونين معها في المحاضرة مركزة وتكتين و كذلك تخططين , أتمناها تدرسني سنة رابع ..
د/ رقية عبدالصمد : تقرأ , اسئلتها بين السهولة و الصعوبة , ماتدف ابداً , بحوثها تترك لين آخر الترم وتعطيك بحث يقهر , ماحبيتها عموماً
نسيت لو فيه ذكروني و بعطيكم نبذه عن الدكاترة اللي درسوني ..
موفقات جميعاً
حياكم الرحمن في قسمنا الجميل
التعديل الأخير تم بواسطة تسذآ ; 2012- 6- 2 الساعة 04:05 AM
|