|
رد: الحكاية مع التعليم ( كل واحد يقول )
بالجد والاجتهاد يتحقق النجاح
وبالامل والعزيمه يتحقق الطموح
والله نماذج يفتخر بها ويحتذى بها ما شاء الله إصرار وعزيمه للنجاح والتفوق ربي يوفقكم ويحقق امانيكم وطموحاتكم
اما قصتي
أنا اتخرجت من الثانوي بنسبه 86 نسبه لاباس بها وطبعا قدمت على فيصل وكان عندهم اختبار قدرات للي يقدم عليهم لانه لمن تخرجت ماكان فيه اختبار القياس ورسبت فيه وقدمت بعدها الترم الثاني على جامعه سعود وماقبلوني وجلست سنه بدون دراسه وقدمت السنه اللي بعدها بجامعه نوره ولم يتم قبولي للمره الثالثة وعاد هنا أنا ان قهرت لدرجت أني بكيت لان كنت ابي اكمل دراستي وانتظرت للترم الثاني وقدمت على جامعه الامام وأخيرا تم قبولي بقسم عربي مع أني مااحبه ولا ابيه لكن قلت اشد حيلي واحول المستوى اللي بعده رسبت بالمواد كلها ماعدا ثلاث مواد من عشر مواد
وقلت يا بنت تشدين حيلك الترم اللي بعده وعدت السبعة اللي رسبتها ورسبت فيها ماعدا ماده
وهالمره تركتهم وطلعت للمستوى الثاني وللمره الثالثة رسبت  الا يمكن ثلاث او اربع ماذكر
وقلت مالي الا أني انسحب مافلحت بهالقسم وفتح فيصل الانتساب وسجلت فيه واخترت تخصص التربيه الخاصه والحمد لله ماشيه فيه ووصلت للمستوى السادس واطمح بإذن الله اذا الله عطاني عمر اكمل الماستر والدكتوراه
والله ان دراسه هالانتساب نعمه نحمد الله عليها لو مافتحوه كان كثير ماكمل دراسته ولاحقق طموحه 
|