المشاركة الأصلية كتبت بواسطة you tube

فتحت علي المواجع
اول ماتخرجت من الثانوي سجلني ابوي في كلية التربيه قسم عربي وانا اكره العربي مامشيت فيه الترم نجحت في ماده واحده وحملت6 مواد والترم الثاني الله ماكتب لي اكمل للاختبارات النهائي لان فيه بنات من الجامعه صكوني بعين موب عشاني شاطره انا كنت كسلانه بس حسدوني على شيء فيني وطحت على اهلي الله لايعيده ذاك اليوم الاسعاف جاء وشالني ومن بعدها انقطعت عن الدراسه وسحبت ملفي من الكليه نفسيتي تعبت مره عقب الحادثه مااقول الاحسبي الله عليهم ودي اروح افجر الكليه فوق راسهم ال الان وانا ادعي عليهم جاني خوف شديد من الدراسه...بعد سنه ونص قريت اعلان في الجريده دبلوم تبع جامعة الاميره نوره حاطينه في كليه الاداب المبنى القديم ورحت سجلت فيه انجليزي ونجحت في الترم الاول ودرجاتي كويسه الحمدلله لاكن ماكملت الوالد الله يهديه عارض اني اكمل وبشده لانه خايف علي من الطريق زحمه وحوادث حاولت اقنعه مافي فايده.
.بعد سنه قال لي اخوي الكبير سجلي انتساب في جامعة الملك فيصل قلت بفكر وكنت خايفه عقب الحادثه
لانه مازالت اثاره فيني يعني نفسيا ولا اقدر انساها
.. وابوي وامي شجعوني اني اكمل ..المهم كل يوم اقوي نفسي واقول بكمل الجامعة وباخذ الشهاده ماراح اخلي شيء يوقف قدام حلمي واكسر عين كل شخص كان يرمي علي بكلامه
والحمدلله توكلت على الله وكملت انتساب في الجامعه وان شاءالله احقق حلمي اني اتخرج وارفع راس امي وابوي الله يشفيهم ويخليهم لي ولاخواني
ويارب انجح عشان ماتروح فلوس ابوي هدر
وبس ماكنت ابي اكتب قصتي بس لما قريت الموضوع جتني الغلقه ودمعتي على خدي وقلت بنفس عن نفسي شوي وكتبت قصتي مختصره جدا ماتعمقت
واخوي فضيل كمل والله يوفقك دام انت عندك طموح وحلم لاتخلي شيء يوقف بوجهك وانا اشوف انك موب شايب توك شاب والله يكتب اللي فيه الخير