|
رد: ((أسمعك تمشي وسط قلبي وناجيك*--_--*والناس تحسب مشيتك نبض قلبي))
القرايـا ساكنتنـا لـو سكنّـا فـي المدينـه
ياكثر مافي المدينـه نـاس. تسكنهـا قرايا
مثل انا لامن شعرت أني بحاجـه للسكينـه
رحت يم القريه اللي قدرهـا بيـن الحنايـا
قريتي واليوم جيتك شاعـر ٍ هـزّه حنينـه
للوجيـه وللبيـوت وللسوالـف والحكـايـا
ياسقى الله قبل أسافر عنك يالـدار الثمينـه
يوم أنا طفل يشوف عيوب جدرانـك مزايـا
يوم أنا طفل ٍ يمر اليـوم ماشـاف الغبينـه
الضحى وسط المدارس والشفق بين المطايا
ياسقى الله يوم كنت الريـح والدنيـا سفينـه
قبل مالدنيا تكـون الريـح والسفـن البرايـا
ياسقى الله أو بلاش أزيد هذا الطيـن طينـه
لي هنا والعمر مابه متسّع لـأهـل الرزايـا
القرايا سالفـة أهـل القرايـا فـي المدينـه
والمدينه سالفة أهـل المدينـه فـي القرايـا
|