ملتقى طلاب وطالبات جامعة الملك فيصل,جامعة الدمام - عرض مشاركة واحدة - جامعة الدمام جميع مايخص اختبارات المعيدات

om.eshosh · 2012- 6- 3

اقتباس:

المشاركة الأصلية كتبت بواسطة جوهرة الاخلاق

ام شوشو
بالله كيف الاختبارات
هل اختبرتي قبل
كيف الدكاتره

شوفي يا قلبي ما عمري اختبرت انا جديده وهذا من اول التقديمات لي
و انا اسأل حالي حالكم لكن البعض ... ^ لا تعليق

بس اقولك خلي ايمانك بالله قوي انك تقدرين تعدين
ولا تفكرين انهم ما بيرشحون الا بنات الامتياز ...

ابي اقولك شغله اذا تقدمو مجموعه بنات ممتاز ومجموعه بنات جيد جدا لا تفكرين بيقولون جيد جدا مو شاطرين لالالالا
بالعكس في نسبه معينه من كل مجموعه بياخذون احسن البنات الممتازين بالامتياز
واحسن الممتازين بالجيد جدا
هذا اول شي .. الاسئله اللي بتجي راح تكون تخصص بمعنى ( اناطالبة رياضيات وش الاشياء اللي لازم اكون اعرفها ؟؟؟- اساسيات السنوات اللي درستها )
و هكذا لتخصصات

بتجي اسئلة ثقافية / الثقافيه هذي تعتمد على التراكم المعرفي اللي عندك يعني شي بالاخبار بالمجتمع بالسياسة بالعادات بالمصطلحات باي شي
تقيس مدى ثقافتك ^ عن نفسي اخذ ( نظره على العربية هههه

)

بالنسبة لدكاترة راح اقول عن كلية التربية عادة اسئلتهم بالاختبارات الميد ترم و الفاينل واضحه جدا .. كان لما يجي دكتور جديد يتلكع معنا شوي بس يمشي حاله
لو اخذتي الحين فره سرررررريعه على المناهج قبل الاختبار بتحلي ليشش لانك ذاكرتي من قبل و اختبرتي > اذا كنتي ذاكرتي من قلب

والحين انتي بتسوين رفرش لذاكره يعني ما بيكون بنفس صعوبة قبل

ايش بعد

الاختبار عليه نسبه محدده والنسب الباقية على المقابله ومعدلك
يعني اللي معدلها نازل حبه تشد حيلها بالاختبار

الاختبار يقيس اشياء واجد غير صحة الاجابة ( بالنسبه لرياضيات يقيس طريقه التفكير . الحل المنظم . الاسلوب الدقه و كذا )
غالبا الاسئله الاختبار الموضوعيه بيحطو سؤال مقالي اممم احيانا من المنهج واحيانا عبري عن رايك بسالفه معينه

عاد انتم تعرفون الاسلوب المقالي يأثر على المصحح بالتالي

انتي وشطارتك

امم هذا اللي عندي وهذا حصيلة خبرتي العلمية الممتده على السنوات السابقه ^ قامت تتفلسف

الزبده انشاء الله اكون رفعت معنوياتكم و ووضحت الفكره

ما ابي الا دعوه صادددددقه منكم وبس