|
سياحة داخلية فاشلة!!!
اضحك كثير واحيانا احس بضيقة اذا شفت برامج بالتلفزيون يستضيفون فيها ناس والسؤال كالمعتاد وش اسمك؟ من وين؟ وش رايك بالسياحة الداخلية؟ والرد كالعاده (والله) اسمي فلان ال فلان 2 (والله) من ذيك الديره
3 (والله )السياحة عندنا زينه,,. المشكلة اكثرهم اذا طلع بالتلفزيون لازم يحلف ويقول (والله) مدري وش السبب !؟
وينتهي البرنامج على اغنية وزحاليق بوسط بركة مويه!
بصراحة شي يجيب الهم ويضحكون علينا بشي اسمه سياحة داخلية
في كل الملاهي الموجودة بالسعودية افضل لعبة عندنا دودة خضرا يالله تمشي تدخل بوسط شينكو مركبين فيه نجفات
ولا صحن دوار كنه صندوق ونيت.
والشقق فوق800 ريال!!!!
برا السعودية ب800 تسكن بجنب حديقة او نهر او شارع يفتح النفس وتحس بقيمة الفلوس اللي دفعتها
وحنا عندنا بالسعودية تستأجر شقة تطل على برحة مليانة شوك وبراميل فاضية بوسطها سلق ب1000 ريال بعد التخفيض ؟
التعديل الأخير تم بواسطة zezzo ; 2012- 6- 3 الساعة 09:30 AM
|