منت بعلى خبري تغيرت ياهيه
برد المسى ماعاد عانق حضورك
ماعاد كنت ياه ولا عرف ليه
ولاعاد ذا شوقك ولاذا بشعورك
عنيتني لدرب العذاب ومساريه
وانا اتعنى في راضاك في سرورك
لا تسومني دمع الوفا صعب تشريه
بيدك هدمت البيت والسور سورك
انا هديتك خافقي وانت تهديه
بالحزن والليل العتيم وغرورك
ترى الهديه عيب تهدى وتنويه
اما احترمت العهد فيكون دورك
كنت اشتهي صوتك واحبه واداريه
والحين مداني السواليف طورك
شبيت ضوي في رجا الغنج والتيه
وتشب ضوء البعد ياشين جورك
الفي عليك بشوق وتقول مافيه
ودك بوصلي بس يا كبر امورك
اللي بقلبي من غلا خذت باقيه
رده علي تكفى اواكفه شرورك
لا و ياخسارة يا فديتك ولبيه
نهيتني يا قلب ما طعت شورك
يا مجرم جروح الغياب ابتماديه
وقع على صك الوداع ابحضورك
اهديتك الدنيا وقلبي ومافيه
ولا انت تهديني خطاك وزهورك
وسلمتك زمام الهوى والمشاريه
وانت تحفر لجروح صدك قبورك
احييه من جمر انتظاري ويا حييه
لا ذكرتني بالمحبة عطورك
ويسقيك يا ذاك الغرام ولياليه
وابكي غرامي بيك وابكي شعورك
تضحك مع قفاك لكن ما عليه
اصبر على الايام وياجيك يومك