والله ياخوان وياخوات غصب طلع مني
الموضوع هذا من القهر اللي فيني
وخصوصا ان الاجازة الصيفيه على الابواب
فقلت استغل الفرصة واكتب هذا الموضوع
وارجو من الجميع التفاعل واضافه
نصحيه او موقف يمكن يكون احد المشاهدين
منهم ويتعض واللي اقصدهم
( المفحطين )
اكيد كلكم او اغلبكم سمع بالحادث الذي
يؤلم القلوب يوم الجمعه وبالتحديد قبل
الاختبارات النهائية بيوم الذي راح
ضحيته شابان في ربيع العمر والله عندما
شاهدته نزلت دمعتي واصبت بشعور غريب
صار فيني طيب وبعدين الى متى الى متى نخسر
من شبابنا بسبب التفحيط ليش شبابنا
كذا ليش مايحسون ليش مايفهمون ان
الروح ماتتعوض طيب انا معاكم ان
( كل ابن انثى وان طالت سلامته , يوما
على اله حدباء محمولوا ) والموت علينا
حق بس كلنا نتمنى حسن الخاتمه لماذا
ياشبابنا هل تحمستم عندما تجمهر الناس
واخذو يصفقون لكم ويحمسونكم ويشجعونكم
حتى تقدموا على التفحيط طيب اذا رحت ضحية
التفحيط ماهي الفائدة التي استفادتها
من الذين صفقوا لك هل منعوا عنك ملك
الموت ام اعطوك من حسناتهم لكي تنفعك
عند ربك لا والله مادروا عنك وانا
متاكد بان اكثر الاسباب
للمفحطين تعود على من تجمهر وصفق وشجع
ولولاهم والله قليل تلقى المفحطين
نصيحة لجميع المفحطين لا تخلي المقاطع التي
تعرض المفحطين تؤثر فيك ولا تعرها
اهتمام ولا تعجب بها ولا تشاهدها
وبالذات امام المراهقين لانهم سوف يحسبونها
سببا باعجاب الناس بهم
راحوا شباب كثر والكل عارف لكن اتمنى
ان يتعض الجميع ورحم الله رجل اتعض
بغيره قبل ان يتعض به اللهم اغفر لهم
جميعا وارفق بهم ياذا الجلال والاكرام
صفقوا له وشجعوه ثم تركوه تحت التراب
وحيدا
وهذي بعض مايسبب التفحيط من اثار
ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ـ
*الأعاقه والموت مصير السائق المتهور
*التهور جنون يؤدي الى الوفاه
*لاتفقد حياتك بتهورك
*التجمهر حول المفحط انتحار
*التفحيط عنوان الفشل والاحباط
*المركبة وسيلة لنقل لا للقتل
=-=-=-=-=-=-=-=-=-=-=-=-=-=-=-=-=-=
وهذا قصيده لشايب شاف ولد يفحط
ويوم وقف الولد عن الاشاره فتح
الدريشه الشايب
وقال له انت تبي تذبح ابوك وامك
شلون يذبح ابوه وامه انا اقول لكم
يعني اي ولد لمن يموت لا سمح الله
قلب امه وابوه يموت عليه
وناول هذي القصيده للولد
وقال له انشرها على اي مفحط
اليكم هذي القصيده
اتمنى اتمنى اتمنى من كل قلبي
انكم ماتفحطون احنا نخاف عليكم
إلى شباب اليـوم أقولـه صراحـه
نصيحـة منـي نقولـه وكــادي
يخواننـا يهـل الوفـا والسماحـه
شوف المقابـر امتلـت بالعبـادي
جنب عن التفحيط في كـل ساحـه
ترفقـوا وانتـم صقـور الهـدادي
احرص على التعليم فيـه الفلاحـه
العلـم يوجـد بالمـدارس ينـادي
انظر لواحد ناجـح بـه فصاحـه
شهادتـه عليـا برايـه ســدادي
يمشي مهل وسط الشوارع براحـه
المنتبـه لسياقـتـه بالـركـادي
ابعد عن الجاهل مع أهـل القباحـه
ابعد عنه يحسبـه بالـراي قـادي
كم واحد شفنـاه تنـزف جراحـه
من التهـور والجهـل والطـرادي
كم واحد جاهـل وفيـه النصاحـه
هو يحسب إنه بالخـلا والحمـادي
جود يمين ابنك بنصحـه ورباحـه
إحرص عليه ولا بروحـه يفـادي
يقتل ويقتل موتـره هـو سلاحـه
اسمع كلام اللي به النصـح قـادي
كم واحـد مقعـد مجنـب افراحـه
مهموم بفراشـه وشـاف النكـادي
وكم والدة في عالي الصوت صاحه
والوالـد الباكـي بـه الهـم زادي
هو ابنها الواحد مع الروح راحـه
هو فارق الدنيـا بقبـره احفـادي
أمه خطيرة داخـل البيـت طاحـه
بسباب طايـش زاد فيـه العنـادي
نشكر رجال الأمن بأول صباحـه
ليـل ونهـار محرميـن الرقـادي
يحرص على أمنك ومن جاء سياحه
والمنطقة وأهل القـرى والبـوادي
وأمن الطرق مشكور بيض صفاحه
نشوفهم علـى الخطـوط البعـادي
شهرين مرت راحت أرواح راحـه
سته وستـه مـع ثلاثـه وكـادي
غير المكسـر والمعـوق بساحـه
تناثـروا بالخـط قـرب البـلادي
خذها نصيحة مخلـص باقتراحـه
الله يوفـقـك للهدى والـرشـادي
اتمنى انها عجبتكم وتكونو اهتديتو شوي
ترا والله سلامتكم غاليه علينا
وفي الختام اسال الله العزيز القدير ان
يحفظ شبابنا من كل مكروه وان يهديهم
الى الصراط المستقيم
سامحوني على الاطاله
منقول