يقول اني على باله .. ويذكر عشرتي .. بالخيـر
....................... وهو ماغاب عن بالي .. ولا قد هـان .. مقـداره

سرابي .. هاجس الذكرى ولا ني بحاجـة التذكيـر
...................... لأني عايشٍ أصلاً .. بلاه .. / .. بروح .. تذكـاره

إذا .. هو يذكر .. أيام الغرام .. ويشتكـي للغيـر
.................... فانا .. ماغير أهوجس به .. وصدري حافظ أسـراره

واذا هو صار بفراقي .. قصيده مابهـا .. تصويـر
.....................فانا لازلت ، بفراقه .. لحن من دون .. / .. قيثاره

حزن ماهو حزن .. لكن حزين .. ومالها تفسيـر
....................... غريب .. ولا غريب ..الا غريبٍ .. داخـل . ديـاره

أحاول أكتم الضيقه بصدري .. وأختلق تبرير ..!
...................... وأصك القلب .. عن عقل ٍ فتح للواقع .. أزراره ..!!

الى من قيل .. وشلونك .. حمدت الله وقلت / بخيـر
......................مدامٍ .. صاحبي .. يذكر .. وأنا لا زلت .. باشعاره .....