فعلا الجوالات الذكية وتويتر و و اخذت منا وقت من غير ما نحس يعني مثلا
ساعة خصصته لك تسوي شي معين نقول تقرا كتاب لكن لو تخلي الواتس جنبك راح تنتهي الساعة وانت مش مخلص غير صفحتين ثم تطالع الساعة وتقول جيد الحمدلله خلصت الساعة و ما تصدق تروح تسوي الاشياء اللي تحبها من سوالف وقعده وتقول بكرة ان شاء الله بكمل في الوقت اللي خصصته و هكذا يروح السنة وانت الى الان ما خلصت الكتاب
وخصوصا الحين اجازة وتجمع الاهل والاخوان والاخوات اللي ما تشوفهم الا في الاجازات لازم تفضى لهم في نفس الوقت اللي انت ما عندك الا هالاجازة عشان تخلص اشغالك فيها هنا لازم تكون اكثر صرامة في الحرص على وقتك وادراتها نظرا لتعقيد الوضع
وعلى طاري الكتب كثير من الكتب حاطينها في المكتبة للقراءة لكنها جديدة ما فتحت ليش ؟ بسبب سيطرة النت للاسف
فيه بعد موضوع واحد حاط له اربعة او خمس او ثلاث اشياء يبي يسويها هل هذا امر جيد ام يركز على شي لما يخلصه ثم يبدا في الثاني لكن تجيك هنا مشكلة
لما تكون الاشياء اللي تبي تسويها امدها طويل يعني حفظ القران ما راح يكون في شهر ولا شهرين قراءة كتب التفسير الكبيرة نفس الشي
تطويرك في اللغة الانجليزية نفس الشي
وفي نفس الوقت انت ما تبي تركز على شي معين لانك تزهق وتبي تنوع
ايش الحل ؟