^^^^
عندي نفس احساسكم أحس مرات ودي ارجع سنة اولى وادرس مواد الفيزياء لحالها بدون هالمواد العامة اللي اشغلتنا وياريت بس استفدنا منها

وزيك بالضبط أحس ان عندي اساسيات لأغلب المواد بس فيه مواد للأسف احس ما كأني درستها ولما اجي ابحث ما الاقي شي فيها بحكم اني ابحث بالعربي بس فأول شي يبيلي اتقوى بالإنجليزي وهذا انا الحين قاعدة أحاول من المواقع

أنا كانت عندي رغبة شديدة لدراسة مواد الفيزياء من الثانوي الحمد لله دخلت الكلية زادت عندي هالرغبة
زيكم لما درست خواص المادة والحرارة تأثرت كثير بالمعيدة أمل الخالدي
ما شاء الله تبارك الله درستني تمارين + آخر 3 تجارب من المعمل
تمنيتها تقدر تدرس نظري عندها حب للبحث والإطلاع وتشجعنا على هالشي وهي اول وحدة في الكلية حسيتها كذا
ومن ناحية النشاطات اكثر شي فعلا استفدت منه عرض كم 1 طلبت الدكتورة شعفة تطبيقات على كل موضوع وبحثنا في الكتب وماحصلنا وحتى في النت
والوحيدة اللي ساعدتنا بعد الله وحدة من المعيدات جزاها الله كل خير فاهمة الموضوع صح وقالت لنا ان هالشي يعتبر تطبيق وفهمتنا كيف
مع ان في البداية اللي يشوف الموضوع يقول هذا وين وذاك وين
فهالشي نما عندي البحث العلمي واكتشفت او بمعنى اصح صار عندي علم بمصدر ثالث للبحث العلمي غير الكتب والنت وهو سؤال اصحاب الخبرة
واستفدت من المصدر الثالث كثير هالسنة حتى في امور ماتخص المناهج
والحمد لله اثناء مسيرتي التعليمية قاموا يزيدون هالنماذج أمثال الدكتورة هند والدكتورة إيمان
وفعلا الدكتورة هند قالت لي شي غير طريقة تفكيري وجربت هالشي مع الدكتورة إيمان في العرض والحمد لله الحمد لله ....: 004:: 004:
<<< ماابي اكمل اخاف يعرفوني البنات

عندي مادتين من موادي يكون العيب فيها شي مو طبيعي مو ان الدكتورة ماتشرح واسئلتها صعبة ومن هالكلام هذا شي متكرر كثير علينا

والحل : الكلام مع الدكتورة بهالموضوع وإذا مانفع احنا بحث عن اي مصدر ممكن يفيدنا سواء كتاب او من النت او من اصحاب الخبرة

للأسف العيب في المرجع اللي تعتمد عليه تكون تلزمنا بمرجع معين نعتمد عليه ويكون اسلوبه جدا سيء رسماته مو واضحة و كلامه مو مترابط
وتجي الدكتورة او الدكتور تحذف من المنهج بشكل يخليه مو مترابط ولا نعرف الهدف منه كل عنوان في جهة
( وهالكلام مو بس كلامي فيه بعد بنات ثانيين قاموا يتناقشون في هالموضوع )

والمشكلة اذا قالوا ان هذا احسن مرجع <<< ماادري يعني الناس اذواق مثلا !!!!

الحل : المفروض نكلم الدكتورة بأسلوب حلو انها تغير المرجع او تعتمد على مرجع اجنبي ويكون تواصلها معانا بالعربي بس اللي يستحون ايش يسوون لهم

في حالة عدم نفع هالحل : احنا نبحث عن مرجع بديل على الأقل يساعدنا في فهم المادة ممكن اللي عندها احد يوديها المكتبة ويستناها تسفيد من هالفرصة وتبحث بالإضافة للنت زي ماسويتي
او تسأل دكتورة ثانية او معيدة لأن فيه معيدات المفروض يعطونهم الدكتوراة بدون دراسه ما شاء الله عليهم

_____________________________

في هالجملة صدقتي ليش دايما نقط كل شي على الدكاترة واحنا مشاركينهم في الغلط !!!!

مانصدق على الله تجي الإجازة وخلاص نحط الكتب في المكتبة ولا ندري عنها

وهي السالفة يبيلها شوي تنظيم وقت بس وكل شي بيصير وفيه ناس ماشاء الله عليهم عشرين الف شي يسوونه و مايأثر عليهم فنحاول ننمي مهارة ادارة الوقت

الحل : إدارة الوقت ونتظيمه وتخصيص وقت لمراجعة ماسبق دراسته والتقوي فيه لإرتباطه بما لم يسبق دراسته


ــــــــــــــــــــــــــــــــــــــــــــــــــ ــــــ

بالنسبة للحل اللي طرحتيه جدا جميل خصوصا مع المناقشة وكل وحدة تساعد الثانية سواء في الكتب او في الفيديوات او في المواقع
او حتى إذا مر عليك شي ماعرفتيه ممكن نتعاون عليه وبكذا بترسخ المعلومات
<< تذكرت موضوع نقاشات فيزيائية بس كان يبيله شوي نقاش اكثر من كذا

وأنا مع أختي دانة في انه البحث في المواد اللي درستيها مطلوب وبعد شي حلو انه الواحد يشوف اشياء جديدة يعني لو قدرتي تجمعين الإثنين أفضل

وإذا انتي بادية في هالمواد يبكون عليك سهل إكمال مشوارك فيها بإذن الله

وزي ماسويتي في تويتر انا اشوفه شي حلو التفاعل وكل واحد يبحث ويبدي وجهة نظره لين ماتوصلون للحل
<<<< عاد انا مااعرف له عدل ولما حست فيه حسيت الفيس بوك أحسن والله أعلم

باختصار اذا ماتهيأت لنا الظروف للتمكن من المادة العلمية احنا اللي نقدر نهيأها بتغيير طريقة تفكيرنا وطريقة دراستنا وطريقة حياتنا بعد

قال تعالى : ( إن الله لا يغيّر ما بقوم حتى يغيّروا ما بأنفسهم )