|
مراقب الساحة العامة سابقاً
|
رد: لماااااذا لآ أكون أنا ......؟؟؟؟!!!!
اقتباس:
|
*أتمنى المشاركه بعيدا عن التصنع
|
جبتها اول شي عشان محد يقول ليه ردك كذا
انتوا طلبتوا مو انا 
اقتباس:
|
لماذا ترفض نفسك الحقيقيه ؟
|
بالنسبة للشخص السوي المقتنع انه الكل لدية ايجابيات وسلبيات لن يكون رافض للحقيقة .
ولكنه قد يسعى لتحسن صورته ,والكل يطمح دائما للأفضل .
قد يكون لمصلحة ,ولو استبعدنا نظرية المؤامرة ممكن ان نقول نوع من تطوير الذات والتخلق بخلق حسن إيجابي .
العلم بالتعلم والحلم بالتحلّّم ,,(مدري ذي قاريها او من عندي انتوا احكموا)
,,,,
بفصل شوي في هذه النقطة وارجوا انكم تطولون بالكم شوي ,,,لحظه بصغر الخط شوي 
ايوه وش كنا نقول ؟
يس تذكرت ...‘الدوافع للتصنع كثيره
منها شخص يرى انتقاص في نفسه لنفسه اللي حنا نسميه( منقوص)
يعني يعاني من مشكلة داخلية في ذاته انه مش الشخص اللي يطمح ان يكون ,
بل وده (حلوه بل وده) ان يكون ذو شخصية مختلفة. 
صاحب شخصية قوية جدا سلبيه او يعاني من افراط في الجفاف في التعامل فيرغب بأن يحسن صورة عن العالم
وقد يكون من باب المصلحة مثلا ابي شغلة من مسؤول او تقييم ممتاز في نهاية العام اصير احسن واحد واصبّح على الجميع وانكت واسأل عنهم واشد حيلي بالشغل واسوي نفسي احسن واحد
وانا في قرارة نفسي ودي اولع فيهم بقاز بس انتظر هالتقييم عشان الزيادة 8%+راتب هدية تميز
(سمعتوا بالاداريين هدية تميز راتب ) 
,,
يا ويل شطحت ولاني ماسح شي فيني كتابه ولا ابي افتح موضوع عجزان 
لحظة بغير اللون والخط 
وين وصلنا .gif "(107)")
التصنع يس يس رجعت قريتها وربي لاني نسيت 
التصنع لا نحكم عليه انه سلبي, صحيح ان الواحد ودنا يكون على طبيعته لكن انا اعتبره
نوع من تطوير الذات اذا كان الهدف سامي.
مثلا شخص جاف ويكلمك من طرف خشمه بحكم تربيته او البيئة اللي عايش فيها
ولكن قلبه طيب وينحط على الجرح يبرى ودك اذا بغيته ترسله مسج ما ودك نسمع اسلوبه في الكلام
لانه دفش وما يعرف وش الذرابه في الحديث
هذا نقول له يا طويل العمر انت عايش عيشة تماسيح طول عمرك وما تعرف شي اسمه اسلوب
لون جديده لحظة
بس يا اخي حاول تصير آدمي وتتكلم بذرابه واسلوب لبق مع الجميع
بقولك ان شاء ورايح يتعلم لأول مره فيه حياته يقول كلمة لو سمحت
وبيحطها في طلب يطلبه منك (لو سمحت ممكن توصلني البيت انت ووجهك) 
طبعا بدون ابتسامه+انت ووجهك 
هالشخص لو صبرنا عليه كم شهر وما حطمناه وسقناه اتهامات راح يكون اسلوبه الجديد
تسمح يا بو فلان توصلني البيت ولاتهون اذا ما عليك كلافة +
يعني صار فيه تقدم الطعس السابق اصبح حديقة غنّاء حالية.
,,,,,,,,,,,,,,,,,,
نجي للنوع الثاني المنبوذ شرايكم لون جديد
شخص وش حليله تعرف على طعس من النوع الاول ^ قبل التحسينات
وشال كل اللبس الانيق والكلام المرتب والاسلوب العالي واستبلها ب
يا ويل امها ,اغدي تيت وقوطي فليت ,سقها, الفقها,خلوها ,,,,,الى آخر القاموس الارشيفي حقي
.............
هذي الفئة موجوده في كثير من المراهقين هاليومين
وتجده يتصنّع المطعسه او يحاول الاستطعاس
وهناك فئة أخرى
تتصنع النعومه بزوووود تخاف تهاوشه يغمى عليه
........
انا ضربت امثله جات في بالي ولاني راجع اشوف كم كتبت بس اللي اذكره اني من زمان وانا اكتب 
خلاصة زبدة الزبدة
التصنع ليس دائما مذموم وليس دائما محمود يعني( سلاح ذو حدين)تتعبون .gif "(269)")
اقتباس:
هل فعلاً الناس تكره المتصنع ؟
|
لاوالله تصنّع عن تصنّع يفرق
في ناس اذا تصنّع تحسه يبي يطور من نفسه وتقول عساه يصمل ويواصل لانه راح يكون شيء رائع في المستقبل
وواحد اذا تصنّع تحسه شخص تافه يبي يسوي نفسه انه احسن واحد في الشارع ويتكبر وماهو شايفكم قدامه شي
هذا تدعي له ربي يشفيه +تتمنى تصكه بالطابوقة المعروفة لدى البعض 
.................
موضوع رائع ما ادري وش كتبت فيه واسمحوا على الاسهاب وتطويل السالفة
والموضوع يحتاج تشعب اكثر وان شاء الله الاعضاء ما يقصرون
,,,,,,,,
ما شاء الله التميز مسوي معاك شغل
شكرا على الموضوع الرائع ونتطلع لمزيد من المواضيع الهادفه
|