ملتقى طلاب وطالبات جامعة الملك فيصل,جامعة الدمام - عرض مشاركة واحدة - الفيزياء تجمع طالبات قسم الفيزياء لجميع المستويات

غلآكمـ · 2012- 6- 7

اقتباس:

عندي نفس احساسكم أحس مرات ودي ارجع سنة اولى وادرس مواد الفيزياء لحالها بدون هالمواد العامة اللي اشغلتنا وياريت بس استفدنا منها

صآدقه و الله ياليت

بس وش يقولون تعتبر ثقافه لنا

اقتباس:

وزيك بالضبط أحس ان عندي اساسيات لأغلب المواد بس فيه مواد للأسف احس ما كأني درستها ولما اجي ابحث ما الاقي شي فيها بحكم اني ابحث بالعربي بس فأول شي يبيلي اتقوى بالإنجليزي وهذا انا الحين قاعدة أحاول من المواقع

الله يسهل عليج يآرب

اقتباس:

أنا كانت عندي رغبة شديدة لدراسة مواد الفيزياء من الثانوي الحمد لله دخلت الكلية زادت عندي هالرغبة
زيكم لما درست خواص المادة والحرارة تأثرت كثير بالمعيدة أمل الخالدي
ما شاء الله تبارك الله درستني تمارين + آخر 3 تجارب من المعمل

استاذه امل الخآلدي ماشاء الله عليها مبدعه

لمآ تكون عندي محآضره معاهآ .. آكون مرتآحه نفسيآ لآنه من بعد الله رآح آطلع من محآضرتهآ فآهمه

يعجبني شرحهآ بشكل مبسط و يوصل للكل

مو مثل البعض تلف و تدور على المعلومه

< الله يهديهم

آول مره آدرس معآهآ كآن في كهرو 1

الله يوفقهآ يآرب

اقتباس:

تمنيتها تقدر تدرس نظري عندها حب للبحث والإطلاع وتشجعنا على هالشي وهي اول وحدة في الكلية حسيتها كذا
ومن ناحية النشاطات اكثر شي فعلا استفدت منه عرض كم 1 طلبت الدكتورة شعفة تطبيقات على كل موضوع وبحثنا في الكتب وماحصلنا وحتى في النت
والوحيدة اللي ساعدتنا بعد الله وحدة من المعيدات جزاها الله كل خير فاهمة الموضوع صح وقالت لنا ان هالشي يعتبر تطبيق وفهمتنا كيف
مع ان في البداية اللي يشوف الموضوع يقول هذا وين وذاك وين
فهالشي نما عندي البحث العلمي واكتشفت او بمعنى اصح صار عندي علم بمصدر ثالث للبحث العلمي غير الكتب والنت وهو سؤال اصحاب الخبرة
واستفدت من المصدر الثالث كثير هالسنة حتى في امور ماتخص المناهج
والحمد لله اثناء مسيرتي التعليمية قاموا يزيدون هالنماذج أمثال الدكتورة هند والدكتورة إيمان
وفعلا الدكتورة هند قالت لي شي غير طريقة تفكيري وجربت هالشي مع الدكتورة إيمان في العرض والحمد لله الحمد لله ....: 004:: 004:

ماشاء الله تبآرك الله

شي حلو

بس وشو اللي قآلت لج دكتوره هند ؟

اقتباس:

<<< ماابي اكمل اخاف يعرفوني البنات

طيب

اقتباس:

عندي مادتين من موادي يكون العيب فيها شي مو طبيعي مو ان الدكتورة ماتشرح واسئلتها صعبة ومن هالكلام هذا شي متكرر كثير علينا

والحل : الكلام مع الدكتورة بهالموضوع وإذا مانفع احنا بحث عن اي مصدر ممكن يفيدنا سواء كتاب او من النت او من اصحاب الخبرة

للأسف العيب في المرجع اللي تعتمد عليه تكون تلزمنا بمرجع معين نعتمد عليه ويكون اسلوبه جدا سيء رسماته مو واضحة و كلامه مو مترابط

لكن في وصف المقرر لكل مآده مكتوب اسماء كتآبين الى 4 كتب ..
بآمكآن الدكتور يرجع له

مو شرط آبدا يمشون على الكتآب العربي اللي مكتوب بالوصف ..
تأخذ آحسن شي ينآسبنآ و تشرح منه ..
و تسويهآ على شكل عروض لو حبت و ترسلهم للبنآت و البنآت يكتبون الملآحظات

مو شرط تكتب كل شي في العروض ..
لو تكتب شي بسيط و البآقي يكون على البنت حسب ملآحظتهآ و شرح الدكتوره

مثل عروض دكتوره نوال

من آجمل العروض اللي مرت علي

تعتمد عروضهآ على فهم البنت و اللي تبيه و تحسه مهم تكتبه

و لا انسى عروض دكتوره آمل بعد كآنت تعجبني

مو شرط يكون آعتمآدنآ الكلي على كتآب وآحد .. يعني لو مثلآ الدكتوره تشرح من كتآب و بالنسبه لنآ مو مفهوم
ترى فيه كتب بمكتبة " الكلية " فيهآ شرح مبسط و سهل و واضح

س / ليه مايكون هو مرجعنا ؟ <

لو بنت جآ في بآلها هالسؤال
ج / لآن الشرح المبسط و الواضح يكون فقط لموضوع وآحد .. و لو بغيتي موضوع ثاني بتلقينه بكتآب ثاني

فـ " ياليت تمرون على المكتبه " فيهآ كتب من آروع مآيكون

لأول مره هالسمستر " آقصد اللي رآح " آدخلها بهالشكل ..
يعني قبل كنت آدخلها مره مرتين بالسمستر

آما هالمره دخلتهآ يمكن آكثر من 10 مرات و كل مره آطلع بفايده و لله الحمد

اقتباس:

وتجي الدكتورة او الدكتور تحذف من المنهج بشكل يخليه مو مترابط ولا نعرف الهدف منه كل عنوان في جهة

ياشينهآ هالحركه ..
للحين مآمرت علي

.. بس شفتهآ مرت بصديقاتي العزيزات

< آقصد الحذف لدرجه ان المنهج مايصير مترابط

آتمنى السنة الجآيه مايسوون هالحركه فيني

ترآني على وجه تخرج

< و آخيرا صرت آقدر آقول هالكلمة

علاقتنآ الحلوه مع بعض يآليت تستمر دكتوراتي الجميلآت

اقتباس:

والمشكلة اذا قالوا ان هذا احسن مرجع <<< ماادري يعني الناس اذواق مثلا !!!!

الحل : المفروض نكلم الدكتورة بأسلوب حلو انها تغير المرجع او تعتمد على مرجع اجنبي ويكون تواصلها معانا بالعربي بس اللي يستحون ايش يسوون لهم

في حالة عدم نفع هالحل : احنا نبحث عن مرجع بديل على الأقل يساعدنا في فهم المادة ممكن اللي عندها احد يوديها المكتبة ويستناها تسفيد من هالفرصة وتبحث بالإضافة للنت زي ماسويتي
او تسأل دكتورة ثانية او معيدة لأن فيه معيدات المفروض يعطونهم الدكتوراة بدون دراسه ما شاء الله عليهم

من جد يقولون آفضل مرجع و آخر شي يصير العكس

مثل مآقلتي ياليت الدكتورآت يآخذون برآي المعيدات

آما البنآت مع آحترآمي لهم

لكنهم يشوفون اللي كلآمه آقل و يقولون ايه هذا احسن شي

و لمآ تجي تشرح الدكتوره بتشرح زياده على المكتوب و بيصير المرجع

اقتباس:

في هالجملة صدقتي ليش دايما نقط كل شي على الدكاترة واحنا مشاركينهم في الغلط !!!!

مانصدق على الله تجي الإجازة وخلاص نحط الكتب في المكتبة ولا ندري عنها

وهي السالفة يبيلها شوي تنظيم وقت بس وكل شي بيصير وفيه ناس ماشاء الله عليهم عشرين الف شي يسوونه و مايأثر عليهم فنحاول ننمي مهارة ادارة الوقت

الحل : إدارة الوقت ونتظيمه وتخصيص وقت لمراجعة ماسبق دراسته والتقوي فيه لإرتباطه بما لم يسبق دراسته

صدقتي و الله

اداره وقت اداره وقت .. يآرب آقدر آدير وقتي عدل

قبل فتره طلعت بفكره عجيبه

قلت وش زود الآجآنب عني !!
هذآ هم يدرسون و يشتغلون و متفوقين و يطلعون و يسهرون و يسافرون و كل شي !!
و آحنا الجآمعه و البيت بس !!
المفروض آحنآ آحسن منهم و آشطر ..

المهم طبقت فكرتي اللي ما انكر اني استفدت منهآ كثير كثير بس آنضغطت آكثر و آكثر

لـ درجه لآبي الحبيب مآ آقدر آقرب منه و آشغله

مآفيه وقت لشي آبد ..
لكن الحمدلله عقلت و قلت مآعلي منهم هم كيفهم بحياتهم

و آنا خلني مثل ما انا

اقتباس:

بالنسبة للحل اللي طرحتيه جدا جميل خصوصا مع المناقشة وكل وحدة تساعد الثانية سواء في الكتب او في الفيديوات او في المواقع
او حتى إذا مر عليك شي ماعرفتيه ممكن نتعاون عليه وبكذا بترسخ المعلومات

صحيح كلآمج

برفع الكتآب هنآ ان شاء الله .. كتآب النووية لو آحد حب يبدآ معآي

اقتباس:

<< تذكرت موضوع نقاشات فيزيائية بس كان يبيله شوي نقاش اكثر من كذا

قصدج شوي ترتيب صح !

اقتباس:

وأنا مع أختي دانة في انه البحث في المواد اللي درستيها مطلوب وبعد شي حلو انه الواحد يشوف اشياء جديدة يعني لو قدرتي تجمعين الإثنين أفضل

وإذا انتي بادية في هالمواد يبكون عليك سهل إكمال مشوارك فيها بإذن الله

إن شاء الله

اقتباس:

وزي ماسويتي في تويتر انا اشوفه شي حلو التفاعل وكل واحد يبحث ويبدي وجهة نظره لين ماتوصلون للحل
<<<< عاد انا مااعرف له عدل ولما حست فيه حسيت الفيس بوك أحسن والله أعلم

تويتر
انا مسجله فيه من سنة ونص يمكن ..
و ما استوعبت فكرته الآ قبل 7 او 8 شهور

الفيس بوك
برضو حلو

بس فيه فرق بينهم

اقتباس:

باختصار اذا ماتهيأت لنا الظروف للتمكن من المادة العلمية احنا اللي نقدر نهيأها بتغيير طريقة تفكيرنا وطريقة دراستنا وطريقة حياتنا بعد

صآدقه والله

اقتباس:

قال تعالى : ( إن الله لا يغيّر ما بقوم حتى يغيّروا ما بأنفسهم )

التصحيح : قال تعالى : ( إنَّ اللهَ لا يغيّرُ ما بقومٍ حتى يُغيروا ما بأنفسِهِم ) سورة الرعد آية " 11 " صفحة 250

تم التصحيح جزاك الله خيرا

و الله يعطيج العآفية و يجزآج خير