|
رد: سؤال بخصوص بدل فاقد للشهادة .. أتمنى إفادتي !
مشاركة ثانيه بموقف صار معاي بس قبل ثمان سنوات
قبلوني بكلية المعلمين انجليزي واجتزت كل شي .. وخلاص ما بقى الا بداية الدراسه
بعدها بفترة قصيره جاني قبول نهائي من شركة سكيكو ( للدراسة في معهد الشركة السعودية للكهرباء)
المهم رحت للكلية وقلت ابغى شهادتي كنت صغير ماعرف شي قال لي وش تبي فيها ماعاد باقي وقت وتبدا الدراسه
قلت ابي احذف قال هو انت بديت !
الوكاد علمته بالصحيح انا جاني قبول وكذا .. نصحني اسحب شهادتي مؤقتا يسمونها استعاره او شي زي كذا
لمدة شهر وقال جرب حظك اذا ماجاز لك الوضع هناك يمديك تجي وتكمل ..
الوكاد كان اسوأ قرار في حياتي اني رحت لسكيكو لكن الخيره فيما اختاره الله
الشاهد من القصه القصيره  انه عادي تاخذين شهادتك لو تبين من الجامعه نفسها عادي
واذا بدل فاقد روحي وعلى مسؤوليتي جربي وان لقحت او ماضرها الجمل
موفقه واسف ع الاطاله لكن حبيت افصل القصه عشان يتضح المقصد ان كان فيها فايده لك كان بها واذا ماكان فيها فايده سولفيها لعيالتس قبل النوم
|