ملتقى طلاب وطالبات جامعة الملك فيصل,جامعة الدمام - عرض مشاركة واحدة - الفيزياء تجمع طالبات قسم الفيزياء لجميع المستويات

فيزيائية طموحة · 2012- 6- 8

اقتباس:

صآدقه و الله ياليت
بس وش يقولون تعتبر ثقافه لنا

هو المفروض انها فعلا تكون ثقافة فعلا ولكن الواقع عكس ذلك صايرة زيادة عدد وموقع استراتيجي في جدول الإختبارات

اقتباس:

الله يسهل عليج يآرب

اللهمّ آمين وإياك إن شاء الله

اقتباس:

استاذه امل الخآلدي ماشاء الله عليها مبدعه
لمآ تكون عندي محآضره معاهآ .. آكون مرتآحه نفسيآ لآنه من بعد الله رآح آطلع من محآضرتهآ فآهمه
يعجبني شرحهآ بشكل مبسط و يوصل للكل

مو مثل البعض تلف و تدور على المعلومه < الله يهديهم

آول مره آدرس معآهآ كآن في كهرو 1
الله يوفقهآ يآرب

ما شاء الله لا قوة إلا بالله

المفروض القسم يلتفت لها بصراحة لإن حتى بعض الدكتوات ماوصلوا لمستواها

يا الله أهم شي درستي معاها

اللهمّ آمين وإياك إن شاء الله

اقتباس:

بس وشو اللي قآلت لج دكتوره هند ؟

كيف اقولها

هو صار حوار بيني وبينها ودخلنا بموضوع بعيد عن العروض وقلت لك عليه على الخاص او في مكان ثاني غير المنتدى
واستوحيت منه انا نقدر نشرح اي شي حتى لو مادرسناه وان هاذي قناعات سلبية ولازم نتخلص منها

وكنت حاطة هالشي في بالي في اول عرض لي في الكلية وكان عرض النووية 2 وكان ادائي جدا سيء غير الربكة اللي كانت عندي
وكنت احاول اطالع في البنات ومااطالع في الدكتورة

وثاني عرض اللي هو عرض الكم كانت الدكتورة تشرح المنهج بعدين احنا نسويله عرض ونشرحه فهذا كان حلو بالنسبة لي
والحمد لله حتى الربكة اللي كانت في النووية خفت بس هالمرة ماكانت اطالع نهائيا في البنات وانا اشرح

ومن بعد هالتجربة حبيت العروض

وهالتجربتين كانوا بنفس الترم

تجربتي الثالثة كانت عرض حديثة 1

كانت افضل تجربة عندي كثير اشياء استفدها منها

من ناحية شي في المجموعات ومن ناحية محتوى العرض لو بعددها عرفوني البنات

بس اللي اقدر اقوله اني لما وقفت بس في البداية ماطالعت في احد بعدين تمكنت
ولله الحمد اني اطالع في البنات بعدين صرت عادي اطالع في الدكتورة وحسيت اني شرحت بطلاقة

وبكذا تكون الفكرة السلبية اللي كانت عندي تحولت الى ايجابية بفضل الله اولا

ثم بتطبيق كلام الدكتورة هند

بمساعدة الدكتورة إيمان

اقتباس:

لكن في وصف المقرر لكل مآده مكتوب اسماء كتآبين الى 4 كتب ..
بآمكآن الدكتور يرجع له
مو شرط آبدا يمشون على الكتآب العربي اللي مكتوب بالوصف ..
تأخذ آحسن شي ينآسبنآ و تشرح منه ..
و تسويهآ على شكل عروض لو حبت و ترسلهم للبنآت و البنآت يكتبون الملآحظات

ياليت انهم سووا عروض ولا شي للأسف يشرحون على نفس الكتاب المخربط

<<< اقولك شي اول مرة اشوفه بحياتي
ويصورن لنا منه اللي يبونه في المنهج ويقعدون هم يعدلون فيه
<< مو بالضبط هذا اللي صار بس ما ابي اتكلم على احد فبلعت نص الكلام بس هاذي الزبدة

من البداية ليش تعتمدون هالكتاب بالذات دام ان هذا اسلوبه ؟؟؟؟؟؟؟

اقتباس:

مو شرط تكتب كل شي في العروض ..
لو تكتب شي بسيط و البآقي يكون على البنت حسب ملآحظتهآ و شرح الدكتوره
مثل عروض دكتوره نوال
من آجمل العروض اللي مرت علي
تعتمد عروضهآ على فهم البنت و اللي تبيه و تحسه مهم تكتبه

و لا انسى عروض دكتوره آمل بعد كآنت تعجبني

فعلا عروض الدكتورة نوال كانت حلوة والحين صار اسلوبها احسن معاكم لما قامت ترسل العروض قبل كنا احنا نكتب بعض العروض بالإضافة للملاحظات
وبعض العروض تنزلها بالتصوير واحنا نكتب ملاحظاتنا

الدكتورة امل ماجربتها وإن شاء الله تعطينا مادة مثلا الجوامد دام انه فيه علاقة بالإلكترونيات

وترى بشكل عام سالفة الإيميلات ما كانت موجودة لما كنت بسنة اولى بعدين طلعت

اقتباس:

مو شرط يكون آعتمآدنآ الكلي على كتآب وآحد .. يعني لو مثلآ الدكتوره تشرح من كتآب و بالنسبه لنآ مو مفهوم
ترى فيه كتب بمكتبة " الكلية " فيهآ شرح مبسط و سهل و واضح

س / ليه مايكون هو مرجعنا ؟ < لو بنت جآ في بآلها هالسؤال
ج / لآن الشرح المبسط و الواضح يكون فقط لموضوع وآحد .. و لو بغيتي موضوع ثاني بتلقينه بكتآب ثاني

فـ " ياليت تمرون على المكتبه " فيهآ كتب من آروع مآيكون
لأول مره هالسمستر " آقصد اللي رآح " آدخلها بهالشكل ..
يعني قبل كنت آدخلها مره مرتين بالسمستر

آما هالمره دخلتهآ يمكن آكثر من 10 مرات و كل مره آطلع بفايده و لله الحمد

المشكلة بعض الدكاترة مايبون الا مرجعهم وحتى لو قالوا عادي وكتبتي شي على مفهومك وماطلع زي مرجعهم بالضبط يحذفون اللي انكتب كله

على الأقل اذا فيه غلط ينقصون بس الغلط مو بهالطريقة <<< وطبعا كليتنا عندها الدرجات مقدمة على المعلومات الا مارحم ربي

وفيه بنات ماشافوا اللي شفته ودايما يقولون لي تفكيرك مو صحيح وصدقتهم ومع ذلك

بنسكن في الكلية اذا بنعتمد على المعلومات فقط

حتى صرت اقول يبيلي آخذ واحد من هالمباني اللي يسوونها واسكن فيه اقرب لي من هالمشاوير

وبالنسبة للمكتبة فعلا فيها بعض الكتب الحلوة واستفدنا منها وقالوا بعد بيجيبون كتب جديدة بس ماادري متى

وفعلا اذا مافيه مرجع كل مواضيعه حلوة ياخذون كل موضوع من مرجع احسن

اقتباس:

ياشينهآ هالحركه ..
للحين مآمرت علي .. بس شفتهآ مرت بصديقاتي العزيزات < آقصد الحذف لدرجه ان المنهج مايصير مترابط

آتمنى السنة الجآيه مايسوون هالحركه فيني
ترآني على وجه تخرج < و آخيرا صرت آقدر آقول هالكلمة
علاقتنآ الحلوه مع بعض يآليت تستمر دكتوراتي الجميلآت

وإن شاء الله ماتمر عليك ولا علي يا رب

وإن شاء الله مايسوونها على ان المنهج صار قصير بس صار اصعب

<<< الستر زين بس اتوقع فهمتيها وهي طايرة واذا مافهمتي اطيرها لك على الخاص

اقتباس:

من جد يقولون آفضل مرجع و آخر شي يصير العكس
مثل مآقلتي ياليت الدكتورآت يآخذون برآي المعيدات
آما البنآت مع آحترآمي لهم
لكنهم يشوفون اللي كلآمه آقل و يقولون ايه هذا احسن شي

و لمآ تجي تشرح الدكتوره بتشرح زياده على المكتوب و بيصير المرجع

صدقتي للأسف احسهم مو ماخذين حقهم بعد اللي سمعته من مصدر موثوق << على الخاص اقول لك اياه إن شاء الله ما انسى

وفعلا الله يهديهم لو كان منطبق عليه خير الكلام ماقل ودل قلنا عادي بس اذا كان مختصر بشكل يخليه يفقد قيمته العلمية يخلون المنهج طويل زي ماهو احسن

اقتباس:

صدقتي و الله
اداره وقت اداره وقت .. يآرب آقدر آدير وقتي عدل

قبل فتره طلعت بفكره عجيبه
قلت وش زود الآجآنب عني !!
هذآ هم يدرسون و يشتغلون و متفوقين و يطلعون و يسهرون و يسافرون و كل شي !!
و آحنا الجآمعه و البيت بس !!
المفروض آحنآ آحسن منهم و آشطر ..

المهم طبقت فكرتي اللي ما انكر اني استفدت منهآ كثير كثير بس آنضغطت آكثر و آكثر
لـ درجه لآبي الحبيب مآ آقدر آقرب منه و آشغله
مآفيه وقت لشي آبد ..
لكن الحمدلله عقلت و قلت مآعلي منهم هم كيفهم بحياتهم
و آنا خلني مثل ما انا

ما شاء الله عليك تجربتك رائعة

ترا مو بس الأجانب حتى في مجتمعنا وتحديدا في كليتنا حضرت حفل تكريم المتفوقات لقيت عدد كبير منهم من البنات البارزين في النشاط ماشاء الله عليهم
قعدت افكر كيف قدروا يوفقون بين النشاط وبين دراستهم بهذا الشكل واكيد انهم مسجلين كل المواد لإنهم ماشيين صح على الخطة

واحنا لو بيقولون لنا على طول قلنا مافي وقت مانقدر ومن هالكلام << اتكلم عن نفسي

اقتباس:

صحيح كلآمج

برفع الكتآب هنآ ان شاء الله .. كتآب النووية لو آحد حب يبدآ معآي

أنا معاك بإذن الله بس قولي لي الفكرة اللي في بالك كيف تبينا نبدأ ؟

اقتباس:

قصدج شوي ترتيب صح !

ايه صح هذا اللي اقصده وبعد فيه مواضيع ماصار نقاشها بالشكل المطلوب فنعتبرها تجربتنا الأولى
ونجرب الحين في كتاب النووية وإن شاء الله يكون نقاشنا أفضل فيه

اقتباس:

تويتر
انا مسجله فيه من سنة ونص يمكن ..
و ما استوعبت فكرته الآ قبل 7 او 8 شهور

الفيس بوك
برضو حلو

بس فيه فرق بينهم

انا كله خايفة اسوي شي في تويتر واخرب شي والمشكلة مااعرف احد امون عليه عنده حساب فيه كان اقعد اجرب عليه واللي يطلع يطلع

جربت سجلت فيه وماعرفت ايش اسوي بعدين

يا الله خيليني الحين على الفيس بوك ولا حقة على تويتر بعدين قاعدة اتعلم على شي ثاني الحين <<< على الخاص

اقتباس:

التصحيح : قال تعالى : ( إنَّ اللهَ لا يغيّرُ ما بقومٍ حتى يُغيروا ما بأنفسِهِم ) سورة الرعد آية " 11 " صفحة 250

أستغفر الله

جزاك الله خير على التنبيه والحين بعدل مشاركتي ومشاركتك عشان الإقتباس مهما يكون هذا كلام الله

اقتباس:

و الله يعطيج العآفية و يجزآج خير

الله يعافيك وإياك إن شاء الله