ملتقى طلاب وطالبات جامعة الملك فيصل,جامعة الدمام - عرض مشاركة واحدة - الفيزياء تجمع طالبات قسم الفيزياء لجميع المستويات

كبرياء جرح · 2012- 6- 8

<<~ وحدة قرت الردود وجت ترد بس عجزانة تقتبس

غلاكم ليش تتحطمين اذا قالت ابي وظيفة ؟ بالعكس شي مبهج والله

أنا اعرف بنات درسو بس علشان الدراسة واخر شي يبون يصفطون الوثيقة بالدولاب
طيب ليه درستي من البداية وش طموحك ؟ وش هدفك بالزبط ؟

الوظيفة بنظري بتساعد أذا كان مجالها فيزيائي
مثلا التدريس منهاج الثانوية شي جممميل من بعد التطوير اطلعت على منهج اول وثاني وثالث
وكنت اشرح لاختي وصديقاتها اغلب الشغلات

وأكتشفت أن اساسيتي يبغالها شغل حبة

بس اني الحمدلله تداركت هالوضع وعدلتها واناوية عليها عالصيفية
-

بوصي هو أنا مازال طموحي الوظيفة

بس ماهو الحين

أبي اشتغل على نفسي اكثر

اول شي قلت خذي التوصيات خصوصا من دكتورة منال ودكتورة سوسن لانهم بيروحون خلاص

وعقب باخذ تربوي وأعدل معدلي وارفعه
همن ابدأ بعمليه البحث عن مكان مناسب للماستر

لان كليتنا ماعندهاش برنامج للماستر

فقاعدة اشوف الوضع ووضع أبو الشباب علشان لا يوهقني

<<~

يعني مابي الوظيفة قبل مايكون وضعي الاكاديمي مش ولابد

وبيني وبينكم
ودي بالفيزياء الطبية بس مالها مكان بالشرقية

ولكن لن أستسلم

<<~ معها مشكلة بالاستسلام

---

اقتباس:

عندي نفس احساسكم أحس مرات ودي ارجع سنة اولى وادرس مواد الفيزياء لحالها بدون هالمواد العامة اللي اشغلتنا وياريت بس استفدنا منها

طموحة تدرين نفس احساسي

يعني لو يحصلي أعيدها راح اعيدها وانا متحمسة اكثر
خصوصا كم شغلة حسيتني فيها مقصرة وكم مادة بس الصيفية قدامي

بعوض فيها باذن الله

بالنسبة لأستاذة أمل

يالبى قلبها

انا ماخلاني اعشق الفيزكس ألا هي واستاذة هناء

حبيت فيهم شغلة البحث تعالي اسئلي لا تستحين اعطوك اساسيات ببرنامج الاكسل
لانه اي وحدة ودها تكمل راح تعتمد كثير على شركة مايكروسفت
احصائات جدوال الخ الخ

وسالفة العشق قبلها كان كره مبطن ههههههههههههههههههه
يومني بالثانوية كان مدرساتنا مش ولابد

يعني لو احد يسالن من هو نيوتن بقول ماعرفه

<<~ مش مبالغة والله

جا ثالث الترم الاول شديت على نفسي وحسيتني بديت استوعب
الترم الثاني
أنتدبو معلمة من الثانوية العاشرة أو مجمع الامير ناسية

أستاذة فاطمة مطير

وش اقولكم يابنات أيش امانة ايش جمال أيش عشق للفيزياء بحد ذاته
والله مابالغ بنات
لازم كل اسبوع قروب من فصلنا يسوي تجربة من النت تطبيق على درسنا
كانت دايم مبتسمة وتقول الفيزياء مش علم جامد وسعي مداركك وخليك انسانة حالمة
وتخيلي اي مسالة قدامك او قانون علشان تستوعبين
بعد اذكر اللي تشوف دفترها اسود وازرق بس تقولها ماراح اصححه

لازم تلونون وتفتحون أنفسكم

ودايم تقول لنا دايم
أبني جسر من الامل فوق نهر من اليأس

<<~ شكرا للعبارة هذي لانها كانت من رفع معنوياتي اللي تنهبط ساعات
طبعا نهاية الترم

اخترعت وانا صديقتي جهاز

سوينا باب خشبي وحطينا عليه لمبات الاعراس الصغار تعرفونها

بحبث اذا ضغطنا على الزر اللي بالجدار ينفتح الباب وتدخل عروسة ترقص على انشودة

كانت تطبيق على دوائر التوزاي والتعامد

على نهاية الترم شافتني قبل تدخل الاختبار النهائي
قالت لي تدرين ياكبرياء وجهك وجه فيزياء وقولي فاطمة ماقالت

عاد انا زعلت ليش تفاولين علي ابي طب هههههههههههههه
سبحان الله دارت الايام لو ألقاها الحين بوريها وثيقتي ومعدلي واقولها شوفي صرت مثلك

طبعا سمعت انها طلعت برا تكمل دراستها

تستاهل استاذة فاطمة

-

بالنسبة للنسيان

اقتباس:

الحل : إدارة الوقت ونتظيمه وتخصيص وقت لمراجعة ماسبق دراسته والتقوي فيه لإرتباطه بما لم يسبق دراسته

المشكلة اللي تعاني مثلي ماتعرف تحفظ عدل
الفيزياء مو فهم بس لا حفظ بعد

يعني اسئلة الفهم اجاوب وانا مرتاحة
بس اسئلة الحفظ اجيب فيها عيد الفطر وعيد الاضحى <<~ الله يبلغنا اياها على صحة وطاعة جميع

وبعدها انسى وارجع احفظ وهمن انسى وهكذآ

ناوية اشوفلي حل مع مسالة النسيان

والمراجع

الصدق الصدق ليش دايم نعتمد على اللي تعطينا اياه الدكتورة بس ؟
أنا احب اشري مرجعين لنفسي واحد عربي واحد اجنبي
أحسه افضل علشان افهم

وأكتشفت باني انسانة تشتري بلا حساب للكتب يوم طليت ع المكتبة حقتي

حتى الرياضيات اشتري كتابين

أمي تقول يبي لنا نتبرع للجامعة بشوي من كتبك وانا اهوش واقول لا كنزي الثمين

بنات اذا تعرفون مواقع ع النت لتحميل كتب أعطوني اياها ساعات مالقى الكتاب الا بالبترول
والبترول بعيدة عني وبعضها مكلفة بعض الشيئ

اقتباس:

والمشكلة اذا قالوا ان هذا احسن مرجع <<< ماادري يعني الناس اذواق مثلا !!!!

الحل : المفروض نكلم الدكتورة بأسلوب حلو انها تغير المرجع او تعتمد على مرجع اجنبي ويكون تواصلها معانا بالعربي بس اللي يستحون ايش يسوون لهم

في حالة عدم نفع هالحل : احنا نبحث عن مرجع بديل على الأقل يساعدنا في فهم المادة ممكن اللي عندها احد يوديها المكتبة ويستناها تسفيد من هالفرصة وتبحث بالإضافة للنت زي ماسويتي
او تسأل دكتورة ثانية او معيدة لأن فيه معيدات المفروض يعطونهم الدكتوراة بدون دراسه ما شاء الله عليهم

+ 1

لي عودة اكثر أحسني اقط خيط وخيط