جميع الناس مختلفين ولكل منا أراء وأذواق في كل شيء
أيضاً لكل جامعة سلبيات وإيجابيات
والسلبيات لا تحل بالتهجم والسباب والشكاوى والتذمر المتواصل على المسؤولين وتقليل جهودهم
كل المشاكل لا تحل في يوم واحد
كلنا بشر ونرتكب أخطاء
الحوار والنقاش لا بد يأتي بنتيجة إذا احترم كل طرف الآخر
لا انكر ان لجامعتنا سلبيات لكن
هل كنا موجودين باالدفعات الاولية ؟؟!
حيث البلاك كنظام جديد وايضاً الاختبار من 100 ومقالي والصعوبات اللي كانت موجودة ؟!
التطور لا يأتي بسرعة لابد من خطوات تسبقه ممكن تقدم بطيئ وممكن تقدم يكون سريع
هذا الترم ارى تحسن جداً كبير وأتامل خير بأن الاترام القادمة ستكون أفضل ان شاء الله
واسالكم كلامي صحيح او لا ؟ بخصوص هالترم انه افضل من الترم اللي فات ؟
وجود النظامين البلاك والافتراضي ساعدنا هالترم وخفف الضغط
وبالنسبة للرسوم اشوف جامعتنا مرنة بصورة كبيرة
والا كيف نفسر ان الترم اللي فات تم حجب نتائج بعض الطلبة لعدم السداد فهذا معناته ان الجامعة تتغاضى احياناً
وبالنسبة للدكاترة اشوف اقسام تشتكي من بعض الدكاترة واسئلتهم
لكن انا في تخصصي ما اشتكي منهم ما احس انها تعجيزية ابد ابدا
ممكن كم سؤال يحتاج الى تفكير نعم
وبالنسبة لتجاهل المسولين الردود على اسئلة الطلبة ومطالبهم وبالذات الترم الصيفي
ليش ما نحسن الظن فيهم ما في قرار يتم اتخاذه بيوم وليلة
وبالنسبة للنتائج وتاخيره صحيح الانتظار متعب لكن الجامعة اوضحت ان النتائج بعد عشرين يوم اعتبر هالشي خطوة للامام لان الاترام اللي فاتت ما كانت تحدد
والترم الصيفي اوضحت العمادة برد رسمي الاسباب لعدم فتحه
لكن انا متفائلة انهم راح يفتحوه مستقبلاً
صحيح الجامعة تسير ببطء
لكن طالما احنا انتسبنا لها نتحمل قليلاً او ننتقل لجامعة أخرى
انا مثلكم احياناً انقهر واعصب وهالايام النوم ما انام عدل افكر بالنتائج
لكن ما يوصل اني اغلط واقول كلام اندم عليه بعدين
مو جالسه معاهم واشوف شغلهم علشان احكم :)
فمكان مثالي ويرضي جميع الناس لا يوجد
يعطيك العافيه اخوي