ملتقى طلاب وطالبات جامعة الملك فيصل,جامعة الدمام - عرض مشاركة واحدة

شبيــه آلــريح ، · 2012- 6- 8

اقتباس:

المشاركة الأصلية كتبت بواسطة خالدعبدالعزيز

المشكله تطلبون المستحيل انا وانت وانتي وش سوينا مجرد انتقاد وهذا اللي جيدين فيه
وش عندنا فكر نطرحه واللي سبقونا واللي ماسكين مناصب وش سوو كلام في كلام
كل اللي عندنا كلام في كلام لكن فعل مافيه وحتى اللي مو عاجبه شي وانتقاده واصل اخر الدنيا وش يبي يسوي لو مسك مكان فيه حل وربط ماراح يسوي شي راح يستعرض بالكلام ويترزز من مكان لمكان وبعدين
خلوكم من ليه ماسووا وليه ماعملوا الوضع هو هو من سنين ولا راح يتغير شي سواء منك او من غيرك
واذا تقول اقدر اسوي واغير هذا الميدان يحميدان ورنا شغلك مو كلامك

هلابك يالغالي ، وراك معصب فديتك

الكلام هو بداية التغير نحو الافضل ، ولو سكت انت وسكت غيرك كيف نعرف الاخطاء كـِ نعالجها
سياسة الوضع تمام ومافيه احسن من كذا ولت من غير رجعه بإذن الله

ياخي نقلت مقطع في مشاركة سابقة لي لـ قتصادي كبير يذكر فيها ان رئيس جامعة الملك سعود يكذب على الملك عبدالله

في امريكا عام 2000 لحضوا ضعف طلابهم في الرياضيات ,, فـ عملوا دراسات وبحوث كيف معالجة هـ المشلكة الكبيرة في نظرهم ؛ لو عندنا كان الحل فلها وربك يحلها

بعدين تقول الميدان ياحميدان

هذا لو كنت مسئول في الدولة كـان لك الحق بمثل هـ الكلام انا مواطن غلبان وليس في يده اي صلاحيات كِ يغير الوضع اللي نحن فيها

دمت بخير ياصاحبي