المشاركة الأصلية كتبت بواسطة NOW OR NEVER

اسمح لي دوستو بالقصيدة ذي ذكرتني ايام 88 عز ابو الهجولة


الدوج يسب في الجمسي
..ويقول ان شغلته تاكسي

وانه يقطم العكسي
..وخلق الله يعرفونة

وقال الجمس انا راضي
....ودعنا نترك الماضي

وهيا ننحر القاضي
...بالدوجات يرضونة

وقال الدوج يالله
...انا راضي بحكم الله

على المختار صلى الله
....نبينا اللي تعرفونة

وجاهم الفورد مغتاضي
...وقال الهرج ذا فاضي

عسى من ينكر الماضي
...مع السكراب يرمونة

انا سيارة اسعافي
...وكم شليت من حافي

وكم حججت الاشرافي
...لبيت الله يزورونة

وقال الدوج انا الوافي
...وانا اللي رفرفي ضافي

وانا من الرمل مااخافي
...وانا لي دبل كارونة

وجاك الجمس وشهودة
...على الكبوت مرصودة

حروف اطير النودة
...من اللي مايعرفونة

وقال الجمس انا الفله
...وانا اللي زينوا دله

غرض من يشتهي خله
...الى من ذكر مضنونه