ملتقى طلاب وطالبات جامعة الملك فيصل,جامعة الدمام - عرض مشاركة واحدة - الفيزياء تجمع طالبات قسم الفيزياء لجميع المستويات

غلآكمـ · 2012- 6- 9

اقتباس:

غلاكم ليش تتحطمين اذا قالت ابي وظيفة ؟ بالعكس شي مبهج والله

ايه حلو تفكر بالوظيفه بس فيه بعضهم تآركين الدرآسة و الحضور صديقاتها يحضرونها و اذا جات ماتكون مع الدكتوره او الدكتور
و بعدين تقول ابي وظيفه !

هو حلو ان تفكر بالمستقبل بس برضو المفروض تهتم بحاضرها

على الاقل تآخذ الشهاده بكل امانه انها فاهمه اللي درسته !!
و بعدها تقدم على الوظايف

هذا قصدي

اقتباس:

أنا اعرف بنات درسو بس علشان الدراسة واخر شي يبون يصفطون الوثيقة بالدولاب
طيب ليه درستي من البداية وش طموحك ؟ وش هدفك بالزبط ؟

حاله شاذه بقوه !!
وش الفايده يعني من دراستها ؟

اسم اني جامعيه ؟
حاقه غريبه

اقتباس:

الوظيفة بنظري بتساعد أذا كان مجالها فيزيائي
مثلا التدريس منهاج الثانوية شي جممميل من بعد التطوير اطلعت على منهج اول وثاني وثالث
وكنت اشرح لاختي وصديقاتها اغلب الشغلات
وأكتشفت أن اساسيتي يبغالها شغل حبة
بس اني الحمدلله تداركت هالوضع وعدلتها واناوية عليها عالصيفية

صحيح بتساعد لو كان مجالها فيزيائي

و حتى لو ماكان مجالها فيزيائي .. يعني جلست بالجامعه 4 الى 5 سنوات و مع كذا ما استفدت شي

بس ضيعت اجمل سنين عمري كذا !!

يعني لو توظفت وظيفه مالها دخل بالفيزياء ولو اني ما اتمنى لكن ماراح يصير الا المكتوب

لو احد سآلني بشي يخص الفيزياء من المتوقع اني اعرف اجاوب مو اقول مدري

بالنسبة لمناهج الثانويه

بالموت قدرت ادبر لي كتاب فيزياء اول ثانوي و يارب ماينسى ولد خالي

عجبوني انهم بالانقلش صار اسهل لنا

و هم يتعلمون و بيصير سهل عليهم

اقتباس:

بوصي هو أنا مازال طموحي الوظيفة
بس ماهو الحين
أبي اشتغل على نفسي اكثر
اول شي قلت خذي التوصيات خصوصا من دكتورة منال ودكتورة سوسن لانهم بيروحون خلاص

حححلو ماشاء الله

اقتباس:

وعقب باخذ تربوي وأعدل معدلي وارفعه
همن ابدأ بعمليه البحث عن مكان مناسب للماستر

قريت هالجملة و جات في بالي مجموعة اسئله

شهادة التربوي تدخل بمعدل البكالوريوس ؟
لو كذا بتكون شي جميل

و اللي اعرفه ان الماستر ماله علاقه بالتربوي

لو معلومتي خطا صححيها لي

صحيح عندي معلومات عن الماستر و هالاشياء بس لما بـ يحين موعده بالنسبه لي بدور و بقرا اكثر و اكثر

اقتباس:

همن ابدأ بعمليه البحث عن مكان مناسب للماستر
لان كليتنا ماعندهاش برنامج للماستر

ححلو ربي ييسر لج امورج ياارب

انتم السابقون و نحن اللاحقون ان شاء الله

اقتباس:

فقاعدة اشوف الوضع ووضع أبو الشباب علشان لا يوهقني

<<~

ايه اهم شي

اقتباس:

يعني مابي الوظيفة قبل مايكون وضعي الاكاديمي مش ولابد

وبيني وبينكم
ودي بالفيزياء الطبية بس مالها مكان بالشرقية

ولكن لن أستسلم

<<~ معها مشكلة بالاستسلام

الله يقويج يارب

و ياليت يفتحون مجال لدراسسة ماستر الفيزياء بالشرقيه

اقتباس:

سوينا باب خشبي وحطينا عليه لمبات الاعراس الصغار تعرفونها

بحبث اذا ضغطنا على الزر اللي بالجدار ينفتح الباب وتدخل عروسة ترقص على انشودة

كانت تطبيق على دوائر التوزاي والتعامد

ماشاء الله على فيزيائتنا الصغيره

اقتباس:

قالت لي تدرين ياكبرياء وجهك وجه فيزياء وقولي فاطمة ماقالت

عاد انا زعلت ليش تفاولين علي ابي طب هههههههههههههه
سبحان الله دارت الايام لو ألقاها الحين بوريها وثيقتي ومعدلي واقولها شوفي صرت مثلك

طبعا سمعت انها طلعت برا تكمل دراستها

تستاهل استاذة فاطمة

الحمدلله على كل حآل

سبحان الله

اقتباس:

والمراجع

الصدق الصدق ليش دايم نعتمد على اللي تعطينا اياه الدكتورة بس ؟
أنا احب اشري مرجعين لنفسي واحد عربي واحد اجنبي
أحسه افضل علشان افهم

وأكتشفت باني انسانة تشتري بلا حساب للكتب يوم طليت ع المكتبة حقتي

حتى الرياضيات اشتري كتابين

أمي تقول يبي لنا نتبرع للجامعة بشوي من كتبك وانا اهوش واقول لا كنزي الثمين

ماشاء الله ححلو

اقتباس:

لي عودة اكثر أحسني اقط خيط وخيط

ننتظرج